سەرۆکی ژووری بازرگانی #کرماشان# ئاشکرایکرد پارێزگاکەیان ساڵانە زیاتر لە 24 هەزار تەن ئارد هەناردەی عێراق دەکات.
کەیوان کاشفی، سەرۆکی ژووری بازرگانی شاری کرماشان ئەمڕۆ یەکشەممە 9ی کانوونی یەکەم ڕایگەیاند: عێراق ساڵانە یەک ملیۆن تەن ئارد هاوردە دەکات و پشکی ئێرانیش بەگشتی 320 هەزار تەنە و پشکی پارێزگای کرماشانیش 24 هەزار تەنە.
کاشفی ڕونیکردوەتەوە: لەشاری کرماشاندا 14 کارگەی بەرهەمهێنانی ئارد هەیە، کە توانای بەرهەمهێنانیان 678 هەزار تەنە لە ساڵێکدا، بەڵام پشکی هەناردەی ئاردی شارەکە بۆ عێراق بەبەراورد به و بڕەی بەرهەمی دەهێنێت زۆر کەمە.
سەرۆکی ژووری بازرگانی کرماشان ئاماژەی بۆ ئەوەشکردوە: عێراق تەنێک ئارد بە 290 دۆلار دەکڕێت، ئه و نرخەش زۆر باشە بۆ ئەوەی هەناردەی ئارد بۆ عێراق زیاد بکەین.[1]
#09-12-2018#