بەڕێوەبەری نەخۆشخانەی شۆڕش ڕایگەیاند: لەساڵی 2018 دا زیاتر یە ک ملیۆن و 110 هەزار نەخۆش تەنها لە دەوامی بەیانیان سەردانی ئه و نەخۆشخانەیان کردووە.
ئەمڕۆ یەکشەممە 20-1-2019 د. شەماڵ جەبار یاوەر بەڕێوەبەری نەخۆشخانەی شۆڕش لە کۆنفرانسێکی ڕۆژنامەوانیدا ئامار کار و چالاکییەکانی ئه و نەخۆشخانەیەی لەساڵی 2018 خستەڕوو و ئاشکرای کرد کە تەنها لەساڵی 2018 دا 9413 پشکنینی شێرپەنجە بۆ نەخۆشەکان لەنەخۆشخانەی شۆڕش کراون.
وتیشی: 2695 نەشتەرگەری گەورە و 4497 نەشتەرگەری ناوەند بۆ نەخۆشەکان کراوە. لەبارەی هێڵکاری دڵ 33846 نەخۆش هێڵکاری دڵی بۆ کراوە، 18414 نەخۆش سۆنەری بۆ کراوە. لە بەشی پشکنینی تاقیگەیی 409961 پشکنینی تاقیگەیی بۆ نەخۆشەکان کراوە. 44860 تیشک بۆ نەخۆشەکان کراوە.
بەڕێوەبەری نەخۆشخانەی شۆڕش وتیشی: لەبەشی دان 18544 نەخۆش کاری بۆ کراوە، 166115 کەس تەداوی و دەرزی بۆ کراوە.
لەبەشی چاو 7030 نەخۆش لەخزمەتگوزارییەکان سوودمەند بوون، لەبەشی پێست 9947 نەخۆش کاری بۆ کراوە. 93747 کەس سەردانی بەشی فریاکەوتنیان کردووە، 482 نازۆڕ و 3393 سکان بۆ نەخۆشەکان کراوە. 1071 نەخۆش شۆردنی گورچیلەی بۆ کراوە.
لیژنەی سەربازی 970 کاری کردووە و لیژنەی تایبەتی دەزگای پێشمەرگە و #وەزارەتی پێشمەرگە# پێداچوونەوە بۆ 6150 کەمئەندامی شاخ کردووە.
9413 نەخۆش پشکنینی شێرپەنجەیان بۆ کراوە.[1]
#20-01-2019#