دواڕۆژ، زریان محەمەد
جێگری سەرۆکی کۆمەڵەی کێڵگە پەلەوەرییەکان ڕایدەگەیەنێت: لەسەرەتای ئەمساڵەوە زیاتر لە 40 ملیار دینار زیان بە کێڵگە پەلەوەرییەکان گەیشتووە.
نازم عبدوڵا جێگری سەرۆکی کۆمەڵەی کێڵگە پەلەوەرییەکان بەدوادۆژی وت: لەسەرەتای ئەمساڵەوە تائێستا کێڵگە پەلەوەرییەکان لەسەرتاسەری کوردستان زیانێکی زۆریان بەرکەوتووە، بەهۆی دابەزینی نرخی مریشک لەبازاڕەکاندا و بەردەوامیی هاوردەکردنی مریشکی بەستوو.
وتیشی: لەسەرەتای ئەمساڵەوە تائێستا لەهەرێمی کوردستان لەکۆی 1250 هۆڵی بەرهەمهێنانی مریشک، 40 ملیار دینار زیان بەر خاوەن کێڵگە پەلەوەرییەکان کەوتووە.
جێگری سەرۆکی کۆمەڵەی کێڵگە پەلەوەرییەکان داوادەکات کە هەموو هاووڵاتیان و چێشتخانە و خواردنگەکان مریشکی خۆماڵی بەکاربهێنن تا ببێتەهۆی هاندانی کەرتی ناوخۆ و زیادبوونی بەرهەمی ناوخۆی کوردستان.[1]
#27-01-2019#