لەسایەی سیستەمی قازانج پەرستی سەرمایەداریدا کەلەدامێنیدا فیکری شۆڤێنیزم و ڕاسیزم وتوندڕەوی و ڕەگەزپەرستی و دینگەرایی پێشخستووە، ژیان و ڕۆژگاری تەواوی کۆمەڵگەی مرۆڤایەتی بەکارەسات و کۆمەڵکوژ و ڕووداوی ناخ هەژێن ڕەش کردووە، ئه و کردەوە ڕەشەکوژی ودڕندەییەی کەسێکی دڕندە و وەحشیگەری که لە نیوزلاند بەرامبەرکۆمەڵێک خەڵکی خاوەن باوەڕمەندی ئیسلام ئەنجامیدا کارێکی قێزەوونەودژبە هەموو بەها ئەخلاقیەکانی مرۆڤایەتی و دینە ئاسمانیەکانە، ئەوە بەرهەمی ئه و سیستەمەیه و ئەڵقەیەکە له و تاوان و تیرۆرو ڕەشەکوژیانەی بەدەستی گروپە تیرۆریستیەکانی وەک داعەش و دەوڵەتە تیرۆریستەکانی خاوەن یەک نەتەوه و یەک ئاڵاو یەک ووڵات و یەک دین و یەک زمان. لێرەدا ئەوە جێی پرسیارە کێ له و کارە سودمەنده و بۆچی لەکاتێکی وادا، گومانیشی تیدا نییە ئه و کارە بەڕێکخستنی کراوه و دەبێت هۆکارێک یان دەستێکی لەپشتەوە بێت، یان بۆچی دەبێت لەنامەی تیرۆریستەکەدا ناوی دەوڵەتی عوسمانی دەهێنێت وبەرلەهەرکەسیش ئەردۆغان دێتە قسەکردن، هەموو ئەوانە جێگەی گومانن لەکاتێکدا ئەردۆغان و دەسەڵاتەکەی لەپشتی زۆربەی تیرۆرەکانەوەن. ئەوکردەوە تیرۆریستیە ڕەشەکوژییە لەکاتێکدایە گەورەترین و دڕندەترین هێزی تیرۆریستی وەک #داعش# لەسەرە مەرگ و دوا هەناسەیدایه و بەوشێوازە دەیانهەوێت پشتگیری بۆ ئه و گروپە بەدەست بهێننەوە، یان بڵێن ئەوە تەنها داعش و تورکیا نییە دەستیان لەتیرۆردا سوورە، بەڵکو دینەکانی تریش تیرۆردەکەن. لەگشتیشدا ئیتر سیستەمێک دەیهەوێت بەشێوازی بەرهەمێنانی تیرۆرتەمەنی خۆی درێژبکاتەوە نیشانەی لەناوچوونیەتی و ناتوانێت چیدی ناتوانێت تەمەنی سیستەمەکەی درێژبکاتەوە. ئیتر دەردەکەوێت ئەوە دین و ئایدۆلۆژیاکانی نییە بەڵکو زهنیەتی دەسەڵاتدارییە دەیهەوێت ئاین و باوەڕییەکان بەکاربهینێت بۆشەڕی نیوان کۆمەڵگەی مرۆڤایەتی و قوڵکردنەوەی ناکۆکیەکان، دەبێت هەرکەس ئەوەبزانیت. ئەوی دەکەوێتە بن کاریگەری ئه و سیستەمە دەبێتە ئامڕازیکی شەڕەنگێزی دەستی ئەودەسەڵات و سیستەمە و دەبێت سڵ نەکاتەوە لەتیرۆرو کۆمەڵکوژی. جارێکی ترئه و کارە تیرۆریستیە شەرمەزارو مەحکوم دەکەین.
#17-03-2019#