لە سەرەتای مانگی ئایارەوە، نزیکەی 330 ڕووداوی ئاگرکەوتنەوە لە عیراق تۆمارکراون، زیاتر لە 54 هەزارو 380 دۆنم دەغڵودانیش سووتاوە، زۆرترین ڕووداوی ئاگرکەوتنەوەش لە پارێزگاکانی سەڵاحەدین و #موسڵ# و #کەرکووک# بووە.
لە بەیاننامەیەکی بەرێوەبەرایەتی بەرگری شارستانی عیراق کە ئەمڕۆ 25-6-2019، کۆپییەکی دەست PUKmedia کەوتووە، تێیدا هاتووە، لە سەرەتای مانگی ئایارەوە تا 24 ی حوزەیران، 328 ڕووداوی ئاگرکەوتنەوە لە تەواوی عیراق تۆمارکراوه و زۆرترین ڕووداوی ئاگرکەوتنەوەش لە پارێزگای سەلاحەدین بووە بە 102 ڕووداو، دواتریش پارێزگای موسڵ بە 77 ڕووداو و پارێزگای کەرکووکیش بە 69 ڕووداو لە پلەی سێیەمدایە.
بەرگریی شارستانیی عیراق ئاماژەی بەوەشکردووە، لە کۆی ڕووداوەکانی ئاگرکەوتنەوەدا، زیاتر لە 54 هەزارو 380 دۆنم دەغڵودان سووتاوە.
PUKmedia ڕاگەیاندنی بەرگری شارستانی عیراق
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,968 mal angesehen