دەڤەردارێ شنگال راگەهاند: ژکارکەفتنا سایلۆیا شنگال زیان گەهاندییە جۆتیارێن ئێزدى و ب گیرۆبوونا مەهەکێ ژنوو بنگەهەک بۆ وەرگرتنا گەنمێ جۆتیارێن شنگال هاتە ڤەکرن.
فەهد حامد دەڤەردارێ شنگال (ئەڤرۆ سێشەمب 9 تەمووز 2019) بۆ دواڕۆژ دیارکر: پشتى شەڕێ رزگارکرنا شنگال زیانێن مەزن گەهشتینە وێ سایلۆیێ و ب گۆرەى رووپیڤان هەتا 50% ژ سایلۆى ب تەمامى هەڕفییە وهەتا نوکە ب پراکتیک کەسێ خۆ لێ نەکرییە خودان وکار بۆ نووژەنکرنا وێ نەهاتییەکرن و پێشتر رێکخراوەکێ جیهانى سەەردانا وێ کربوو و کۆمەکا داتایان کۆم کربوو ب مەرەما نووژەنکرنێ لێ ئه و بزاڤ نەبوو کریار.
دیارکر: چەندین بنگەهێن وەرگرتنا گەنمى ل بەعاج، ئەبو خەسەب، تەلەعفەر و رەبیعە ژلایێ وەزارەتا بازرگانییا ئیراقێ هاتنە ڤەکرن و پشتى بۆرینا مەهەکێ ژ ڤەکرنا وان ژنوو رەزامەندى سەر ڤەکرنا بنگەهەکى ل شنگال هاتەکرن لێ روودانێن ئاگرى گەلەک زیانێن خۆ هەبووینە.
عوید ئەلجحێشى، سەرۆکى لژنەیا چاندنێ ل جڤاتا پارێزگەها نەینەوا بۆ دواڕۆژ خویاکر: ب شێوەیەکێ گشتى ل سنۆرێ پارێزگەهێ و هەموو دەڤەرداریێن وێ 8 ملیۆن و 800 هزار دۆنەمێن ئەردى هاتینە چاندن و 27 بنگەهێن وەرگرتنا بەرهەمێن چاندنێ ب تایبەت گەنم و جەهى هاتینە دەستنیشانکرن.[1]
Этот пункт был написан в (کرمانجی - کوردیی سەروو) языке, нажмите на значок
, чтобы открыть элемент на языке оригинала!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Эта статья была прочитана раз 2,224