هاتنی گەشتیار بۆ پارێزگای #سلێمانی# بەبۆنەی پشووەکانی جەژنی قوربانەوە 135 هەزاری تێپەڕاند و بەرپرسێکی گەشتوگوزاری سلێمانیش دەڵێت: پارێزگای سلێمانی لەهاتنی گەشتیاراندا لەپلەی یەکەمدایە.
ئارام شوانی، بەڕێوەبەری ڕاگەیاندنی بەڕێوەبەرایەتی گشتی گەشتوگوزاری سلێمانی ڕاگەیاند: تائێستا هاتنی گەشتیاران بۆ سنووری پارێزگای سلێمانی گەیشتووەتە زیاتر لە 135 هەزار کە زۆربەیان خەڵکانی ناوەڕاست و باشووری عێراق-ن.
شوانی بەئاماژەدان بەوەی پارێزگای سلێمانی لەهاتنی ژمارەی گەشتیاران یەکەمە، وتی: هۆکاری زۆری هاتنی گەشتیاران بۆ سلێمانی ئەوەیە لەڕووی سیاسی و نرخەوە ئەم ناوچەیە زیاتر لەبارترە، گەشتیارانیش لەبازگەکان زۆر ناهێڵدرێنەوە.
سەبارەت بە داهاتی ئەو 135 هەزار گەشتیارەش بۆ پارێزگای سلێمانی، بەڕێوەبەری ڕاگەیاندنی بەڕێوەبەرایەتی گشتی گەشتوگوزاری سلێمانی ئەوەشی خستەڕوو: ئێمە بۆ هەر گەشتیارێک بڕی 200 دۆلارمان داناوە کە سەرفی دەکات، بۆیە داهاتەکەیان 27 ملیۆنە کە دەڕواتە بازاڕەکانی سلێمانییەوە.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,482 mal angesehen