بهایێ تەماتێن جۆتیارێن پارێزگەها #دهۆک# گەهشتە نزمترین ئاست کو هەر ئێک کیلۆ ب 200 دینارێن ئیراقى ل قەپانان دهێتە فرۆتن.
سلێمان بێسفکى، خۆدانێ قەپانا دوسکى، گۆت:ژبەر هاتنا تەماتێن ترکیا و ئیران بۆ قەپانێن دهۆک، وەلاتى و دوکاندار تەماتا دهۆک ناکرن، لەورا بهایێ تەماتا دهۆک بۆ ئێک کیلو گەهشتییە 200 دینارێن ئیراقى.
ناڤبۆرى دازانین:ئەم ژ حکومەتێ و وەلاتیان ژى نەرازینە، پێدڤییە ڤى وەرزى حکومەت رێ نەدەت تەماتێن ترکیا و ئیرانێ بهێنە دهۆک، دهەمان دەمدا وەلاتیێن دهۆک کیلویا تەماتا ترکى ب 800 دیناران دکرن، لێ کیلویا تەماتا دهۆک ب 200 دیناران ناکرن.
بێسفکى ئینازمان:رۆژانه، نێزیکى 100 تەنێن تەماتێن ترکیا و ئیران ل قەپانێن دهۆک دهێنە فرۆتن، دهەمان دەمدا زێدەتر ژ 500 تەنێن تەماتێن دهۆک دهێنە قەپانان و هەموو ناهێنە فرۆتن.
خۆدانێ قەپانێ زەلالکر:حکومەتا ئیراقێ رێ نادەت تەماتا دهۆک بچیتە ناڤەراست و باشورێ ئیراقێ دهەمان دەمدا تەماتێن وەلاتێن دەوروبەرى هەرێما کوردستانێ گەلەک ب سانەهى دگەهنە دهۆک، لەورا بازارێ تەماتا دهۆک گەلەک رەزیل بوویە و زەحمەتا جۆتیاران بێ پارەما.
ئەڤ ساله، بۆ جارا ئێکێیە بهایێ تەماتان ب ڤى رەنگى نزم دبیت کو گەلەک ژ جۆتیارێن دهۆک بەرهەمێ تەماتێن خوە ناهینن بازارى.[1]