باشووری کوردستان
- هاتووچۆی دەربەندیخاندەربەندیخان رایدەگەیەنێت: بەهۆی قیرتاوکردنی رێگای نێوان دەربەندیخان بۆ سلێمانیسلێمانی، ماوەی 12 رۆژ رێگای سەرەکی نێوان گەرمیانگەرمیان بۆ سلێمانی دادەخرێت و بۆ ئه و مەبەستەش رێگای لاوەکی بۆ هاتووچۆ بۆ ئەو ناوچانە دیاریکراوە.[3]
- پارێزگاری هەولێرهەولێر ئاشکرای کرد: کە لەپەیوەندییەکی تەلەفۆنیدا سەرۆکی هەرێم پێی راگەیاندوە ئامادەیە واژۆی بڕیاری لەسێدارەدان بکات بۆ ئه و کەسەی چەند رۆژێک لەمەوبەر لە شاری هەولێر تەواوی ئەندامانی خێزانێکی پەنابەری خۆرئاوای کوردستانی بەشێوەیەکی دڕندانە کوشت.[3]
- بەڕێوەبەرایەتی پۆلیسی راپەڕین رایگەیاند، پێش نیوەڕۆی ئەمڕۆ تەرمی ژنێکی 17 ساڵ لە ماڵی خۆیدا لە گوندی سەروچاوەی شارەدێی بێتواتەبێتواتە دۆزراوەتەوە.[2]
- بەمەبەستی بە نێودەوڵەتیکردنی زانکۆکانی کوردستان، دووەمین کۆنفرانسی تایگەرس لە سلێمانی بەڕێوەچوو، نوێنەرانی پێنج زانکۆی جیهانیش پاڵپشتی خۆیان بۆ هاوکاریکردنیان دەبڕی و بە گرنگی دەزانن، زانکۆکانی هەرێمی کوردستان پەیوەندییان لەگەڵ زانکۆ پێشکەوتووەکانی وڵاتان هەبێت.[2]
رۆژئاوای کوردستان
- دوای هەڕەشەکانی تورکیا بۆ ئەنجامدانی ئۆپەراسیۆنێکی سەربازی، هەسەدە هێزەکانی دەخاتە حاڵەتی ئامادەباشییەوە.[1]
- رێکخراوی مافەکانی مرۆڤ لە عەفرینعەفرین بڵاویان کردەوە، گروپێکی چەکدار بە ناوی پۆلیسی سەربازی و هێزەکانی سووپای تورکیا، بە زرێپۆش و ئۆتۆمبێلی سەربازی گوندی کورزێلێی سەر بە شاری عەفرینی رۆژئاوای کوردستانیان گەمار دا و دەستیان بە رفاندنی هاووڵاتیانی گوندەکە کرد. رێکخراوی مافەکانی مرۆڤ ئاشکراشی دەکات، ئه و چەکدارانە 22 هاووڵاتی کوردیان لە گوندەکە رفاندووە و تاوەکو ئێستاش چارەنووسیان نادیارە.[2]
- بەپێی هەواڵێکی ئاژانسی هاوار نیوز، ئەمڕۆ چەتەکانی سەر بە بەرەی الشام دەستیان بەهەڵکەندنی گرد و شوێنەواری مێژوویی ناوچەی تل بیرا لە عەفرین کردووە. بە گوێرەی هەواڵەکە چەتەکان نەیان هێشتووە دانیشتوانی گوندەکانی ناوچەکە نزیکی شوێنی هەڵکەندنەکە ببنەوە، هەروەها لە هەڵکەندنی گردەکەدا ئامێری گەورە بەکارهێنراوە.[4]
دەرەوەی کوردستان
- شۆن رۆبێرتسۆن، گوتەبێژی وەزارەتی بەرگری ئەمەریکا (پێنتاگۆن) لە کۆنگرەیەکی رۆژنامەوانیدا رایگەیاند، واشنتن گرنگی بە سەرکەوتنی رێککەوتنی ناوچەی ئارام لە باکووری رۆژهەڵاتی سووریا دەدات و ئەو رێککەوتنەش باشترین رێگەیە بۆ پاراستنی ئارامی ناوچەکە. گوتەبێژی پێنتاگۆن گوتیشی هەر ئۆپەراسیۆنێک بەبێ هەماهەنگی ئەوان لە رۆژهەڵاتی فورات جێگەی نیگەرانی ئەوانە و دەشبێتە هەڕەشە لەسەر بەرژەوەندییە هاوبەشەکانیان و نائارامی بە دوادا دێت.[2]

#دەربەندیخان | #سلێمانی | #گەرمیان | #هەولێر | #بێتواتە | #عەفرین |