لە چەند ڕۆژی ڕابردوو #نالیا ئیبراهیم# لەژێر ناوی $(دەنگێکی سەوز بۆ نالیا ئیبراهیم دەنگێکە دژ بە هەموو جیاوازییەکی چینایەتی!!)$ بانگەشەی خۆ پاڵاوتنی بۆ هەڵبژاردنەکانی سوێد بۆ ماڵپەڕی (ئەمڕۆ) نارد و ئێمەش بۆمان بڵاوکردەوە و ئامادەیی خۆشمان دەربڕی کە ئەگەر هەر کارێکی میدیایی بە ئێمە هەبێ ئەوا ئێمە لە خزمەت داین و بەڵام هیوادرین ئەگەر دەربچن یان دەرنەچن ئه و پەیمان و بەڵێنانەیان لەیاد نەکەن کە لە بانگەشەکە ئاماژەیان بۆ کردوون.
ئیدی دوێنێ 2010-09-16 نامەیەکیتری بۆ ناردین کە داوا دەکا بانگەشەی کەسێک بەناوی (عەباس حەمەد - پالێوراوی پارتی دەستپێشخەری فێمیستانە)ی بۆ بڵاوبکەینەوە، کە گوایە کەسێکی یەکسانیخوازە و ئه و - واتا نالیا - زۆر خۆشحاڵە بەوەی کە ئێستا پیاوێکی کورد ئاوا خۆیهەڵبژێرێ و باوەڕی به و شتانە هەبێ. بەڵام ئێمە داوای بووردن لە (نالیا) دەکەین و نامانەوێ بانگەشە بۆ هەر کەسێک بڵاوبکەینەوە، جا لەگەڵ ڕێزمان بۆ کاک (عەباس حەمەد) پێمان باشە به و شێوەیەی خوارەوە ڕوونکردنەوەیەک لەوبارەوە بخەینە بەردەست:
بە داخەوه، به و جۆرەی کە تۆ باسی ئه و پیاوە - عەباس حەمەد - دەکەی، پێمان وانییە وابێ، چونکە ئه و فێمێنیستییەی ئەو، هێڵێکی سەرلێشواوە لەنێو بزووتنەوەی ژنان و بە جۆرێکیتر سەر لە ژنان دەشێوێنن، بۆ جارێکیتر و بە شێوازێکیتر دەسەڵات دەدەنەوە دەست پیاوسالاریی و پیاوە سیاسەتبازەکان. ئەمن نامەوێ بە بێ بەڵگە زیاتر درێژە بە بۆچوونەکانم بدەم، فەر موو با خوێنەران و بەڕێزیشتان بزانن ئایە بە پێی ئه و تێڕوانینانەی خوارەوە و چەندین قسەیتری له و بابەتانە، کاک عەباس چ جۆرە باوەڕێکی هەیە بۆ چارەسەرکردنی کێشەکانی ژنان و چەند پەیوەستە به و ڕەوتە یەکسانییخوازەی ژنان کە دەیەوێ چەوسانەوە و نابەرابەریی ژنان لە بنوبۆتکەوە هەڵبکیشێ و ژنان و پیاوان لە کردەوەدا یەکسان بن.
تێڕوانینەکانی (کاک عەباس)
• (بۆیە من مافی خۆمە، وەک خانمەکەی دەشتی کۆیە، ئۆباڵی ستەم لەسەر ژن، بخەمەوە سەر ئەستۆی ژن خۆی.).
http://www.dengekan.com/doc/2010/7/abasEsmailHamad6.htm
• (هیچ پیاوێکی ناو حیزبە کوردستانیەکان، تێڕوانینیان بۆ مەسەلەی ژنان لەهی نەوشیروان مستەفا باشتر نیە.).
http://www.dengekan.info/dengekan/11/6179.html
• (بۆیە شتێکی نامۆ نیە، کەسێکی وەک نەوشیروان مستەفا، ئەگەر ڕایەکی وای هەبێت، ..).
http://www.dengekan.info/dengekan/11/6179.html
• (بۆیە بەڕای من ئه و نووسینەی سەردەشت، شێوازێکە له سوکایەتیپێکردن، وەک ڕەخنە، دژ بەدەسەڵات بەکارهاتووە، ئه و شێوازی ڕەخنەیەش تێیدا ژن پێوەرو کەرستەی ئه و سوکایەتیپێکردنە یە. دەکرێ بە شێوازی سوکایەتی پێکردن ڕەخنە لە دەسەڵات بگیرێت، بەڵام نەک لەسەر حیسابی جەستە و سێکسوالیتێی مرۆڤ.).
http://www.kurdistannet.info/net/index.php?option=com_content&view=article&id=12685:2010-05-26-14
ئەو بەڕێزە لە چوارچێوەی سیاسەتێکی لیرالیی و ئەو دیموکراسییە پڕ لە کەموکوڕییەی ڕۆژئاوا سیاسەت دەکا و بە گوێرەی نووسینەکانی و ئەو خۆهەڵبژاردنەی ئێستاشی نە بەدوای لەنێوبردن و بنەبڕکردنی چەوسانەوەی ژنانە نە تێڕوانینێکی ڕۆشنیشی هەیە بۆ کێشەی نەبوونی یەکسانیی لەنێوان پیاوان و ژنان؛ وەک کە لەسەرەوە ئاماژەمان پێکردووە دەڵێ: (مافی خۆمە، وەک خانمەکەی دەشتی کۆیە، ئۆباڵی ستەم لەسەر ژن، بخەمەوە سەر ئەستۆی ژن خۆی.)، بەڵکە ئەو سیاسەت دەکا و دەیەوێ کێشەی ژنان بەکاربهێنی بۆ ئەوەی بگا بە دەسەڵاتێک. شتێکی چاکە ژنان و پیاوانی یەکسانیخواز سوود لەو دیموکراسییە وەربگرن، بەڵام دەبێ ئاگاشیان لەوە هەبێ کە هەر ڕێبوارانی ئەو دیموکراسییەی ڕۆژئاواشن ژنانێکی یەکجار زۆریان کردۆتە کۆیلەی خۆیان و بۆ سییاستە نامرۆییەکانیان و کارە بازگانیی و ئابوورییەکانیان ڕیکلامیان پێوە دەکەن و دەست لەناو دەستی(ئیسلامییەکان و دینەکانیتر و دابونەریتی کۆنەپەرستانە و (یاساکانی جیاوازیی فەرهەنگی) و (یاسا تایبەتییەکانی دینەکان) پیاوسالارانە ڕەفتار لە بەرانبەر ژنان دەکەن و دژی هەموو بزووتنەوەیەکی ڕادیکاڵانەی ژنان و پیاوانی یەکسانیخواز دەوەستنەوە.
لە کۆتاییدا هیوادارین ئیدی ''نالیا'' و هەر ژن و پیاوێکی یەکسانیخواز وەک شاعیر دەڵێ: '' هەر کەسێک هات و وتی من ئاشقم، باوەڕ نەکەن'' چیدی بە ئاسانیی باوەڕ بەو کەسانە نەکەن کە سەری زمان و بنی زمانیان ماف و ئازادییەکانی ژنان و یەکسانیخوازییە کەچی لەوڵاوە بە ئارەزووی خۆیان (قسەی ناحیسابیی) دەکەن و بە هۆی تێڕوانینە تاکڕەهەندیی و خودییەکانی خۆیان جارێکتر ئاو بە ئاشی پیاوسالاریی واقیعگەرایی ئه و سیستەمە چەوسێنەرە دادەکەن و کۆسپ و تەگەرە بۆ ڕەوتی ڕاستەقینە و کردەییانەی تێکۆشانی ژنان دروست دەکەن[1].