لە بەیاننامەکەدا کە لە پەیجی تایبەتی بەڕێوەبەرایەتی خۆسەر بڵاوکراوەتەوە، جەخت کراوەتەوە، لە پێشێلکردنێکی تەواوی یاسا نێودەوڵەتییەکاندا، تورکیا سەرجەم چەکە قەدەغەکراوەکان لە هێرشەکانیدا بۆ شاری سەرێ کانیێ بەکاردەهێنێت.
ئاماژە بەوەش دراوە، ئه و هێرشە 8 ڕۆژیە بەردەوامەی کە تورکیا و میلیشیا بەکرێگیراوەکانی لە دژی ئێمە دەستپێکردووە، نەیتوانیوە ئیرادەی هێزی بەرگری و هێزی گەلەکەمان بشکێنێت، بەڵکو بەرووی دیارە کە ئەردوغان لە پلانەکانیدا شکستی هێناوە، بۆیە چەکی قەدەغەکراو لەسەر ئاستی جیهان بەکاردەهێنێت، لەوانەش فسفۆر و ناپاڵمی سووتێنەر، کە دەبنە هۆی کارەساتی مرۆیی و کۆمەڵکوژی ڕاستەقینە بە شێوەیەکی فراوان.
دووپاتیش کراوەتەوە، لە کاتێکدا کە داوا لە ڕای گشتی جیهانی و دامەزراوەکانی مافی مرۆڤی پەیوەندیدار دەکەین، کار بۆ وەستاندنی سەرپێچی و پێشێلکارییە مەترسیدارەکانی تورکیا بکەن و سنوورێک بۆ ئه و هێرشە فاشیستییە دابنێت، هاوکات داوا لە هەموو جیهانیش دەکەین، پەڕاوی لێکۆڵینەوەی فەرمی و نێودەوڵەتی بۆ ئه و پێشێلکاریانە بکرێتەوە.
جەختیش دەکاتەوە، بێدەنگی جیهان ئەردوغان هان دەدات کۆمەڵکوژی ئەنجام بدات، هەروەک چۆن پێشتریش لە عەفرین و هەموو ئه و ناوچانە ئەنجامیداون، کە تورکیا دەسەڵاتی بەسەرەوە هەبووە.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,760 mal angesehen