جیمیس ماکلین ڕۆژنامەنوسی ئەمریکی لە ڕاپۆرتێکدا بۆ ماڵپەڕێکی ئەمریکی، نهێنی کڕینی ئه و دو کۆشکەی ئاشکراکردوە کە لەلایەن #مەسرور بارزانی#یەوە بە بڕی 47 ملیۆن دۆلار لە بێڤری هێڵس لە باشوری ویلایەتی کاڵیفۆرنیا، کڕدراوە کە تەنیا سەرمایەدارە زەبەلاحەکانی ئەمریکا ئەتوانن کۆشک له و شوێنە بکڕن، چونکە تا بڵێی شوێنێکی دڵڕفێن و سەرنجڕاکێشی هەیە.
روبەری کۆشکی یەکەم 20 هەزارو 298 پێ چوارگۆشەیە (هەزارو 858 مەتر دوجا)و لە هەشت ژوری نوستن و 17 گەرماو و پاسروم پێکهاتوە، هەروەها ساڵۆنی جوانکاریی و مەلەوانگه و هۆڵی وەرزش و بلیاردو چەندین هۆڵی پێشوازی لەخۆدەگرێت.
=KTML_Bold=کۆشکی (میزان 613)=KTML_End=، کۆشکێکی نەناسراو نییە لە دنیای کۆشکبەرەی ئەمریکاو تا ئێستا چەند دەستێکی کردوە. دواهەمین کەس کە بۆتە خاوەنی ئەم موڵکە زەبەلاحە مەسرور بارزانی سەرۆکی حکومەتی کوردستانی عێراقە.
رۆژی یەکشەممەی پێشو کەسێک بە ئۆتۆمبێلێکی جۆری نیسان بە هێواشی بە شەقامی بەردەم کۆشکەکەدا ڕۆیشتو بەکامێرایەک و ستاندێکەوە کەوتە چرکاندنی چەندەها وێنە.
زانینی نرخی میزان 613 ئاسانە و هەمو کەس دەیزانی پێش دو ساڵ لەمەوبەر 40 ملیۆن دۆلار نرخەکەی بوە. لە دیوی دەرەوەی کە سەیری دەکەین جێپەنجەی ئەندازەی ئەوروپی پێوە دیارە کە بە زەخرەفەی جۆراوجۆر ڕازاوەتەوە.
یەک مایل لەباکوری میزان 613 کۆشکێکی دیکە هەیە بەناوی =KTML_Bold=(فۆتهێل مانەر)=KTML_End= کە بۆ سەردەمی 1970 دەگەڕێتەوە کە کەمێک بچوکترە لە ڕوبەری کۆشکی یەکەم و 11 هەزار و 838 پێ چوارگۆشەیە. هەردوکیان له و داستانێکی چڕو دڵڕفێندا ون بون.
وێرای ئەوەی هەردو کۆشکەکە بەئاسانی موڵکییەتەکەی گوازراوەتەوە بۆ کەسێک بەڵام تا ئێستا بە نهێنی مابۆوە. ساڵی پار کەسێک بە 27 ملیۆن دۆلاری کاش، کۆشکی میزان 613 کڕیوە بەپێی تۆماری خانوبەرە کە یەکێکە لە گەورەترین مامەڵەی کڕینی خانوبەرە لە بێڤری هێڵس.
تەنیا سێ مانگ دوای کڕینی کۆشکی یەکەم هەمان کەس بە 20 ملیۆن دۆلار (فۆتهێل مانەر)ی کڕیوە کە بۆتە جێگەی سەرنجی خانوبەرەی ناوچەکه و هەمان نوسینگەی یاسایی فێرجینیا ئه و کارەی کردوە.
نیکۆلاس شاکسۆن ڕۆژنامەنوس و لێکۆڵەرەوەی بەریتانییه و زیاتر سەرقاڵە بە لێکۆڵینەوە لە باج و موڵکایەتیدا، پێیوتمئەبێ ئەم کەسە زۆر دەوڵەمەند بێت... ئەمە ئه و هەمو پارەیەی لە کوێ دەستکەوتوە.
دوای گەڕانێکی قوڵ بەدوای ئه و نهێنییەدا لە نێو تۆمارەکاندا، تەنیا کەسێک نزیک بو لەم مەلەفەوە، ئەویش کەسێکی کورد بو بەناوی هەڤاڵ دۆسکی کە نزیکایەتی هەیە لەگەڵ مەنسور و مەسرور بارزانی کە کوڕی #مەسعود بارزانی# سەرۆکی پێشوی هەرێمی کوردستانە.
خێزانی بارزانی یەکێکە له و خێزانانەی بۆ سەردەمێکی دورودرێژ شۆڕشیان کردوە و خەباتگێڕن. ئێستا حوکمی ناوچەی کوردستانی عیراق دەکەن کە وەک نیمچە دەوڵەتێک وایە لە ناوچەکە و دەوڵەمەندە بە سامانی نەوت. ئەم قەوارەیەش ناوی هەرێمی کوردستانە کە حکومەتێکی تەشریعییه و سوپا و سیاسەتی دەرەوەی خۆی هەیە. لە 2005 تا 2017 مەسعود بارزانی سەرۆکی هەرێمی کوردستان بو.
هەرچەندە سەرۆکایەتییەکەی بارزانی مشتومڕی زۆری هەڵگرت کە تێوەگلاوە بە گەندەڵی، بەڵام بارزانی هەمیشە نکۆڵی لێکردوە. خەڵکی کوردستان، میدیا و حزبەکەی بارزانی بەوە وەسف دەکەن کە خۆیان ئەژێنن لەسەر ئه و نەوتەی کە بەنایاسایی ئەیبەن بۆ ئێران. هەربۆیە کڕینی ئەم دو تەلارە گومان ناهێڵێتەوە لە تێوەگلانی خێزانەکەی بارزانی بە گەندەڵییەوە.
=KTML_Bold=خێزانەکەی بارزانی دەوڵەمەندن=KTML_End=. هەرچەندە ئەوان نکۆڵی لێدەکەن، بەڵام جگە لەم دو کۆشکەکه و کۆشکەکەی ماکلین لە ویلایەتی فێرجینیا ئه و نکۆڵیانەی نەهێشتۆتەوە کە یەکێکە لە گەورەترین باڵەخانەکانی ویلایەتەکە. کۆشکەکەی فێرجینیا کە ناوی شاتۆ دی نۆبل ماکلین هیچی کەمتر نییە لە کۆشکی میزان 613.
هەریەک لە میزان 613 و فۆتهێل مانەر، لەسەر ڕێگای ڕۆدیۆیە لە بێڤری هێڵس کە یەکێکە لە گەورەترین شوێنە گەشتیارییەکانی باکوری کالیفۆرنیا لە دەرەوەی دیزینی لاند کە کۆمەڵێک سینەماکار و بزنسمان و دیزاینەری جلوبەرگ و یاریزانە بەناوبانگەکان له و شوێنەدا بۆ گەشتی ساڵانە ئەمێننەوە. لەگەڵ ئەوەی بەدەیان ستۆری ڕاقی گرنبەها کە جلوبەرگی سەیرو سەمەرەی گرانبەهای لێدەفرۆشرێت و لە تەواوی دنیاوە چاویان لەسەریەتی. لەگەڵ دەیان کۆشک و تەلاری گرنبەها کە مەگەر کەسە زەبەلاحە سەرمایەدارەکان لەکڕینی بێن.
جیمیس ماکلین وەسفێکی سەرسوڕهێنەری دورو درێژی شەقام شوێنەکانی ئه و ناوچەیە دەکات و پێیوایە ئەمە شوێنێکی جیاکراوەیە لەسەر ڕوی زەمین.
ماکلیین-ی ڕۆژنامەنوس نوسیویەتی، ئەوەی ئێمەی توشی سەرسوڕمان کردوە کەس لەم کۆشکەدا ناژی و هەمیشە بەتاریکی دەبینرێت و چۆڵە. بۆیە بۆتە پرسیار ئەم کۆشکەیان بۆ کڕیوە. تەنیا ئەوەندە نەبێت ساڵانە چەند جارێک لەلایەن ژنێک بەناوی سودابی (سودی) خۆشدامان، کە هەڵگری ڕەگەزنامەی بەریتانییە و خۆشەویستی یەکێک لە نەوەکانی بارزانییە دەرگاکەی دەکرێتەوە و یەکێک لە کوڕەکانی خۆشدامان نازناوی بارزانی هەڵگرتوە.
بەپێی تۆمارێکی خانوبەرەی بەریتانیا، لە مانگی دیسێمبەری 2016 بنەماڵەی بارزانی کۆشکیەکی بۆ خۆشدامان کڕیوە لە گەرەکی کنسینگتۆن لە لەندەن بە پارەی کاش بەبڕی 14 ملیۆن دۆلاری ئەمریکی. ئه و گەڕەکەی کە ئەم کەسانەی تێدا نیشتەجێن: تامارا ئیکلیستۆن پێشبڕکێکاری فۆرمیلا وەن، زالاتان ئیبراهیمۆڤیچ یاریزانی بەناوبانگی تۆپی پێ، لاکشمی میتال گۆرانیبێژی بەناوبانگی هندی.
هەر لە ڕاپۆرتەکەدا باسی کارەکانی خۆشدامان کراوە لەگەڵ بونی کۆمپانیا و ئه و سامانە زەبەلاحەی هەیەتی.[1]
لوقمان غەفور- ئەمریکا