ڕێباز فاروق، سەرپەرشتیاری تیمی گەڕۆکی هەڵمەتی بایکۆتکردنی کاڵای تورکی لە شاری #هەولێر# ڕاگەیاند: تاوەکو ئێستا زیاتر لە 18 هەزار بروشوری تایبەت بە هۆشیاریی بۆ بایکۆتکردنی کاڵای تورکی لەناو بازاڕدا دابەشکراوە و لەناو خەڵکیش پێشوازییەکی گەرم لە بایکۆت دەکرێت.
وتیشی: بەهۆی فراوانبوونی هەڵمەتەکانی بایکۆتی کاڵای تورکی لە سەرتاسەری هەرێمی کوردستان، کۆمپانیا تورکییەکان بەگشتی40٪ فرۆشیان کەمی کردووە.
سەرپەرشتیاری تیمی گەڕۆکی هەڵمەتی بایکۆتکردنی کاڵای تورکی لە شاری هەولێر، ڕاشیگەیاند هەڵمەتەکانمان بەردەوام دەبێت و هەمەجۆر دەبێت لە داهاتوودا گردبوونەوە دەکەین بەتایبەتی دژی دراما کە دەستی خستۆتە ژیان و قەوارەی خێزانمان، هەروەها لەگەڵ هونەرمەندان دەست دەکەین بە هەڵمەت و فشار دروستکردن لەسەر وەزارەتی ڕۆشنبیری بۆ ئەوەی بە تەواوەتی دراما تورکییەکان ڕابگرێت.[1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,059 car hatiye dîtin