کوڕی شاعیری ناوداری کورد ”#شێرکۆ بێکەس#”ە کە ئەویش کوڕی شاعیری نیشتمانپەروەری کورد ”#فایەق بێکەس#”ە، لە #13-11-1972# لە گەڕەکی ئیسکانی شاری سلێمانی لە دایکبووە.
خوێندنی سەرەتایی لە قوتابخانەی ”مەولانەخالید” و ناوەندی لە ”ناوەندی ڕۆژهەڵات” لە سلێمانی تەواو کردوە.
بەهۆی بارودۆخی نالەباری ڕامیارییەوە تێکڕایی خێزانەکەیان کۆچیان کردوە بۆ هەندەران و دوای مانەوەیان بۆ یەک ساڵ لە ووڵاتی ئێران لە بەرواری 17-05-1988 لە ووڵاتی سوید بە خاوخێزانەوە نیشتەجێ بوون.
خوێندنی دواناوەندی و زانکۆی لە ستۆکهۆڵم تەواو کردوە،
چالاک بووە لە بواری ڕۆژنامەوانی و ئەندامی یەکێتی لاوانی کورد بووە لە سوید، بەرپرسی ڕادیۆی یەکێتی لاوانی کورد و سەرنووسەری گۆڤاری ”دیدار” بووە کە زمانحاڵی یەکێتی لاوانی کورد بووە لە ووڵاتی سوید.
جگە لە زمانی کوردیی زمانەکانی سویدیی و ئینگلیزیی و ڕووسیی و فارسیی بە باشی دەزانێت.
خاوەنی کۆمەڵێک نووسینی درێژ و پەخشانە شیعر و کورتە شیعرە کە لە بۆنەکاندا بیسراو وبینراو بووە.
کەسایەتییەکی ناسراوی بواری ئەدەب و شیعرە لە تۆڕەکۆمەڵایەتییەکاندا بە تایبەتی شیعرەکانی باوکی، ”شێرکۆ بێکەس” و شیعرەکانی خوودیی خۆیشی لە پەیجێکی فەرمی بە ناوی ”هەڵۆ شێرکۆ بێکەس” دا بڵاودەکاتەوە.
لە دوای کۆچی دوایی باوکی ”شێرکۆ بێکەس” لە 04-08-2013، بە شێوەیەکی زۆرتر و بەرچاوتر لە ناوەندی فەرهەنگی و ئەدەبی کوردییدا دەرکەوت و خۆی ناساند، لە خوێندنەوەی شیعردا تۆنی دەنگی زۆر نزیکە لە تۆنی دەنگی باوکیەوە،
قەسیدەی واڵایی ”یادەوەری پاسکیلێکی کەرکووکی ”لەپاش بە جێماوی باوکی لە پێنج بەشدا تەواوکرد و بڵاوکردەوە، کە مشتوومڕێکی زۆری بەدوای خۆیدا هێنا و کۆمەڵێک لە نووسەرانی ناسراو قسەیان لەسەر کرد.
لە ساڵی 2018 کتێبی ”#سەدویەک ڕۆژ تەنیایی#” بڵاوکردەوە، کە کتێبێکی 420 لاپەڕەییە و گێڕانەوەی دواساتەکانی ژیانی شاعیری نەمر شێرکۆ بێکەسی باوکییەتی لە 25-04-2013 بۆ 04-08-2013لە ووڵاتی سوید، کتێبەکە پێشوازییەکی باشی لە ناو ناوەندی ئەدەبیدا لێکراو بووە یەکێک لە پڕ فرۆشترین کتێبیەکانی ساڵی 2018.
لە ئێستادا سەرقاڵی نووسین و تەواوکردنی دیوانێکی شیعریی هایکۆ/ پۆستەرە شیعرە بە هەردوو زمانەکانی کوردیی و ئینگلیزیی بەناوی ”خۆزیا باوکم ئەم شیعرانەی بدیایە” لە ئێستادا نیشتەجێ ووڵاتی سویدە.
=KTML_Link_Facebook_Begin=https://www.facebook.com/sacco.bekas=KTML_Link_Facebook_Between=فەیسبووکی: هەڵۆ شێرکۆ بێکەس=KTML_Link_Facebook_End=
=KTML_Link_Facebook_Begin=https://www.facebook.com/halosherkobekas/=KTML_Link_Facebook_Between=پەیجی فەیسبووکی: هەڵۆ شێرکۆ بێکەس =KTML_Link_Facebook_End=