ئەمیر ئەترووشى بەرپرسێ راگەهاندنا رێڤەبەرییا گشتییا باژێڕڤانیێن پارێزگەها #دهۆک# دیارکر پشتى هەژمارەکا مەزن یا ئاوارە و پەنابەران قەستا نێزیکى 20 کەمپێن سنۆرێ پارێزگەهێ کرین و چونکو ل ناڤ سیستەمێ کەمپان چێکرنا قەستەلان هەیە و زویکا تژى دبن و ب رێیا تانکەران دهێتە ڤەگوهاستن بۆ دەرڤەیێ کەمپان و دهێتە رشتن و کارتێکرن ل ژینگەهێ دکەت، پرۆژەیێ یەکا چارەسەرکرنا ئاڤا گران ب رێیا دوو رێکخراوێن جیهانى ل ناحیا فەیدیێ کەفتە کارى.
دیارکر: ژلایێ باژێڕڤانییا فەیدیێ 20 دۆنەمێن ئەردى بۆ ڤى پڕۆژەى هاتە تەرخانکرن و پشتى کەڤتییە کارى دێ کاریگەریێن ئەرێنى ل سەر ژینگەهێ هەبیت و ئێدى ئاڤا قەستەلان ژینگەهێ پیس ناکەت و نوکە بزاڤ دهێنەکرن ئەڤ پڕۆژە ل دەڤەرا #زاخۆ# ژى بهێتە چێکرن، لێ هەتا نوکە چ بەرسڤ نەبووینە.
ناڤبۆرى ئاماژەکر: ئەڤ پڕۆژە ژ 4 یەکەیان پێکدهێت و شیانێن چارەسەرکرنا 1100 مەترێن سێگوشە یێن ئاڤا قەستەلان هەیە، ژبلى پاراستنا ژینگەهێ دێ ژ روویێ چاندنێ ژى مفایێ خوە هەبیت و کارکرنا وێ ئاسانە و مەزاختیێن کێم پێدڤێن.[1]