ئێوارەی ڕۆژی یەکشەممە 07-12-2019 لە هۆڵی تەوار، نوێنەرایەتی کۆنگرەی ستار لە شاری #سلێمانی# بە بەشداری =KTML_Bold=ئاسیا عەبدوڵا=KTML_End= ئەندامی کۆردیناسیۆنی کۆنگرەی ستار و بەبەشداری 100ژن لە بەشێک لە ژنانی پارت و لایەنە سیاسیەکان و ڕێکخراوەکانی ژنان کۆبوونەوەیەکی بەڕێوەبردو تێیدا ڕەوشی ڕۆژئاوای کوردستان و کارو خەباتەکانی ژنان تاوتوێکران.
سەبارەت بە دۆخی ڕۆژئاوای کوردستان و کاریگەری لەسەر کاروخەباتی ژن، ئاسیا عەبدوڵا وتی: بەچەکی قورس و فڕۆکەی جەنگی و موشەک هاوڵاتیانی #سەرێکانی# بەزۆر لە شارەکە کۆچبەرکران و ئێستاش چەتەکانی ئیدلب لەوێ نیشتەجێ دەکرێن، هەروەها ماڵە کوردەکان دەسوتێنن و دەتەقێننەوە، ستراتیژییەتی دەوڵەتی تورک کوشتن و تاڵانکردن و کۆچبەرییە، دەوڵەتی تورک بۆئەوەی لە داهاتووی سوریادا هەبوونی کوردان بسڕێتەوە هەموو ڕێگایەک دەگرێتەبەر.
=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/376201/0001.JPG=KTML_ImageCaption_Title=ئاسیا عەبدوڵا=KTML_ImageCaption_CaptionStyle=000000=KTML_ImageCaption_Caption=ئاسیا عەبدوڵا=KTML_ImageCaption_End=
وتیشی: هێرش لەسەر ژنی کورد بە واتی هێرش دێت لەسەر تەواوی ژنانی ئازادیخوازانی دونیا، چونکە ئێستا ژنی کورد پێشەنگایەتی ژنی ئازاد دەکەن لەجیهان، ئەمریکاو ڕووسیاش هەموو ئەو هێرشانە لەسەر گەلی ئێمە بەڕوونی دەبینن بەڵام لەبەر بەرژەوەندی سیاسی و ئابوری خۆیان هیچ هەڵوێستێکیان نییە.
ئەندامی کۆردیناسیۆنی کۆنگرەی ستار، ئاماژەی بە بەرخۆدانی گەلی ڕۆژئاوا بەرامبەر هێرش و وەستانەوە دژی داگیرکەری و گۆڕینی دیمۆگرافی کردو وتی: هێزی بنەڕەتی ئێمە بەرخۆدانە، هێزی سەرکەوتنە، هێزی سیاسی ئێمە دیموکراتیکە، ئەگەر وەک ژن ئەرکەکانمان بەباشی جێبەجێ بکەین دەتوانین کاریگەری لەسەر سیاسەتی نەتەوەیی درووست بکەین، دەتوانین فشار درووست بکەین بۆ پێکهێنانی یەکێتی نەتەوەیی، وەک ژن پێویستە بۆ پێکهێنانی سێیەمین کۆنفرانسی یەکێتی نەتەوەیی کارەکانمان خێراتر بکەین، پێویستە ئێمە هەموو ڕۆژ لە چالاکی دابین.[1]