رێکخراوا مافێ مرۆڤى ل عەفرین راگەهاند؛ هەر ل دەستپێکا داگیرکرنا عەفرین ژلایێ سۆپاى تورکیا و میلیشایێن وێ هەتا نوکە 2350 کەس د زیندانان دانە و چ چارەنڤیسێ خۆ نزانن.
مستەفا شێخۆ، ئەندامێ رێکخراوا مافێ مرۆڤى ل کوردستانخویاکر: دگەل هاتنا سۆپایێ تورکیا بۆ عەفرین هەتا نوکە 350 هزار کەس ئاوارە بووینە و ب سەدان خێزانێن ئەرەب یێن پارێزگەهێن دى بۆ عەفرین هاتینە ڤەگوهاستن و مەرەم پێ گوهۆرینا دیمۆگرافیا دەڤەرێن کوردستانى یە.
دیارکر: سۆپایێ تورکیا و میلیشیایێن وێ 4500 وەلاتیێن عەفرین دەستگیر کرینە و هەتا نوکە ژى 2350 ژوان د زیندانان دا ماینە و چ ژ چارەنڤیسێ خۆ نزانن و ئەڤ کەسێن هەنێ د 9 زیندانان دا هاتینە راگرتن و ژوان زیندانێن (مەعراتە، راجۆ، سجۆ، راعى، کلس و ...) و ب سەدان نموونەیێن رەڤاندنا وەلاتییان ژلایێ سەربازێن نەنیاس ڤە کو پترییا وان ملیشیایێن سەر ب تورکیانە هاتینە ئەنجامدان.
مستەفا شێخۆ راگەهاند: چەندین وەلاتى یێن کێمە ئایین ونەتەوەیێن عەفرین ژبەر بیروباوەرێن خۆ هاتینە ئازاردان و جهێن پەرستن و شوونوارى هاتینە تێکدان و ب هزاران دار هاتینە بڕین و ب هزاران دۆنەم زەڤى ژى نەهاتینە چاندن.[1]
Этот пункт был написан в (کرمانجی - کوردیی سەروو) языке, нажмите на значок
, чтобы открыть элемент на языке оригинала!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Эта статья была прочитана раз 3,172