ناوەندی ڕاگەیاندنی هێزەکانی سوریای دیمۆکراتیک-#قەسەدە# لە ڕاگەیێنراوێکدا ئەنجامی 3 ڕۆژی ڕابردووی هێرشەکانی سوپای تورکی داگیرکەری ئاشکرا کرد.
لە ڕاگەیێنراوەکەی قەسەدەدا هاتووە:
سوپای داگیرکەر و چەتەکانی لە هەرێمەکانی تل تەمر و عەین عیسا بە چەکی قوڕس و ئۆبوس ناوچە مەدەنییەکانیان بە چڕی تۆپباران کرد.
تل تەمر
گروپە چەتەکان گوندەکانی ڕاشدییە، باب و دەوروبەری ناوچەکەیان کردە ئامانج و بە چڕی تۆپبارانیان کرد.
عەین عیسا
سوپای داگیرکەر بە چەکی قوڕس، هاوەن و ئۆبوس گوندەکانی ئوم هوێش، کۆر حەسەن، خربت بەقار، ئەلدبس، ئەلخالدییە و چێشتخانەی سەقڕ لە نزیک گوندی خالدییەیان بە چڕی تۆپباران کرد. گروپە چەتەکان هەروەها هەوڵیان دا هێرش بکەنە سەر هێزەکانی سوپای سوریا. لە ئەنجامی هێرش و تۆپبارانەکاندا، زیانێکی زۆری مادی بەر ناوچە مەدەنییەکان کەوت.
پلانێکی هێرشکردنە سەر هێزەکانی سەر سنوور پوچەڵ کرایەوە
هێزەکانی خۆپاراستن هێرشێکی شانە نووستووەکانی #داعش#یان لە ناوچەی دێرزور پوچەڵ کردەوە. هێرشی چەتەکانی داعش کە خۆیان ئامادە کردبوو بە ژمارەیەکی زۆری چەکدارەکانیانەوە، بە تۆپ و چەکی قوڕس هێرش بکەنە سەر بارەگاو سەنگەری هێزەکانی خۆپاراستن و هێزەکانی سەر سنوور لە دێرزور، بە ئۆپڕاسیۆنێکی تایبەتی هێزەکانی خۆپاراستن، پوچەڵ کرایەوە. لە ئەنجامی ئۆپڕاسیۆنەکەدا ژمارەیەکی زۆر لە تۆپ و چەندین جۆری دیکە تەقەمەنی، دەستی بەسەردا گیرا.[1]
#06-01-2020#