بەناوی خودای بەخشندە و میهرەبان
لە ماوەی چەند ڕۆژی ڕابردوودا بارودۆخێکی زۆر ترسناک لە ناوچەکە و عێراقدا هاتۆتە ئاراوە و لە هەموو لایەک هەست بە مەترسییەکی گەورە دەکرێت. لە حاڵەتی ئەوهایشدا پێویستە بۆ دۆزینەوەی چارەسەر گوێ لە عەقڵ و مەنتیق بگیرێت نەک بەدوای عاتیفە و موزایەداتی بێهوودە بین.
ئێستا بارودۆخەکە لە لێواری تەقینەوەیە و گرفتەکان زۆر ئاڵۆزن. بۆیە دەبێ لە هەموو لایەک ئەو خەڵکەی هەست بە مەسئولیەت دەکەن بە عەقڵ و حیکمەتەوە چارەسەرێکی مەعقووڵ بدۆزنەوە کە لە خزمەتی گشت لایەک بێت. ئەگەر بێتوو پڕۆسەی چارەسەرکردن لەسەر ڕێگەیەکی ئەوها بێت ئەوە ئێمە لە یارمەتیدانی بۆ دۆزینەوەی چارەسەر درێخی ناکەین بەڵام لەگەڵ ئەوەدا نابین کە وڵات تووشی شەڕی بە وەکالەت و چارەنووسی نادیار بکات.
مسعود بارزانی
#07-01-2020#
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!