بەرزبوونەوەی ڕێژەی جیابوونەوەی ژن و مێرد هەڕەشە لە پێکهاتەی خێزان و کۆمەڵگەی کوردەواری لەهەرێم دەکات و لە هەر ڕۆژێکدا 31 پڕۆسەی هاوسەرگیری هەڵدەوەشێتەوە و تەنها لە نۆ مانگی ساڵی 2019دا 8381 خێزان هەڵوەشاونەتەوە.
بەگوێرەی ئامارێک ڕێژەی هاوسەرگیری و جیابوونەوە لە هەرێمی کوردستان بۆ نۆ مانگی ساڵی 2019 خراوەتەڕوو، بەپێی ئامارەکەش، 8381 حاڵەتی جیابوونەوە تۆمارکراوە.
لەوبارەیەوە پارێزەر هیشام عارف ڕاگەیاند: بەرزبوونەوەی ڕێژەی جیابوونەوەی هاوسەران لەهەرێمی کوردستان هۆکاری زۆرە بەڵام گرنگترینیان کرانەوەی کۆمەڵگەیە بەڕووی جیهاندا بەم شێوە خێرایە، بۆنموونە بەکارهێنانی تەکنەلۆژیا بەو شێوە فراوانە.
وتیشی: هۆکاری ئابوری و دەستێوەردانی چواردەور لە ژیانی هاوسەران و کێشە کۆمەڵایەتییەکان بەشێوەیەکی گشتی هۆکارن بۆ جیابوونەوەی هاوسەران.
بەپێی خەمڵاندن و بە پشتبەستن بەم ئامارە لە هەرمانگێکدا زیاتر لە 931 حاڵەتی جیابوونەوە تۆمارکراوە و بۆ ئەو سێ مانگەشی کە لە ساڵەکەدا تۆمار نەکراوە بەم ڕێژەیە زیاتر لە دوو هەزار و 793 حاڵەتی پێشبینی کراوە.
پارێزەر هیشام عارف ڕاشیگەیاند: پێویستە تاکەکانی کۆمەڵگە پێش هاوسەرگیری هۆشیاریان هەبێت لەسەر پڕۆسەکە و ئەرکی لایەنە پەیوەندیدارەکانی وەک ڕاگەیاندن و ماموستایانی ئاینی و پاریزەرانە لەرێگەی کار و پێگەکانیانەوە هۆشیاری کۆمەڵایەتی بڵاوبکەنەوە و ڕێگربن لە و دیاردە ترسناکەی کۆمەڵگە. =KTML_Quote_Begin==KTML_Style=width:35%;float:right;=KTML_Quote_Icon=⛔=KTML_Quote_Content=ئەگەر لە هەر مانگێکدا زیاتر 931 حاڵەتی جیابوونەوە تۆمارکرابێت ئەوا لە ڕۆژێکدا 31 خێزان لە هەرێمی کوردستان هەڵدەوەشێتەوە=KTML_Quote_End=
ئەگەر لە هەر مانگێکدا زیاتر 931 حاڵەتی جیابوونەوە تۆمارکرابێت ئەوا لە ڕۆژێکدا 31 خێزان لە هەرێمی کوردستان هەڵدەوەشێتەوە.
هاوکات کۆمەڵناس و ڕۆژنامەنووس لەتیف حسێن ڕاگەیاند: ئەو ئامارەی ساڵانە لەلایەن دادگاکانەوە بڵاودەکرێنەوە مەترسی گەورەی تێدایە چونکە ڕێژەی جیابوونەوەی هاوسەران بەردەوام لە بەرزبوونەوەدایە و لەبەرامبەردا هاوسەرگیری ڕێژەکەی دادەبەزێت.
وتیشی: جیابوونەوە و هەڵوەشاندنەوەی خێزان کاریگەری ڕاستەوخۆی لەسەر کۆمەڵگە دەبێت، چونکە بەهۆیەوە چەندین منداڵ بێ سەرپەرشت دەبن و لەداهاتووشدا ڕێژەیەک لەو منداڵانە بەهۆی پەروەرەی خراپەوە دەبنە هۆی مەترسی بۆ سەر کۆمەڵگە.
راشیگەیاند: تۆڕە کۆمەڵایەتییەکان و قەیرانی دارایی و خراپی باری ئابوری لەهەندێک خێزاندا بەشێکن لە کێشە خێزانییەکان، کە دواجار دەبنە هۆی جیابوونەوە و هەڵوەشاندنەوەی خێزان.
بەپێی ئامارەکەش، لە شارەکانی #هەولێر# و #سلێمانی# و #دهۆک# و #کەرکووک#-#گەرمیان# 32432 هاوسەرگیری ئەنجامدراوە و لەبەرامبەریشدا 8381 حاڵەتی جیابوونەوە تۆمارکراوە و بەرزترین ڕێژەی جیابوونەوەش لە شاری سلێمانی تۆمارکراوە کە 3448 حاڵەت بووە.
ئەو کۆمەڵناسە ڕاشیگەیاند: بۆ ڕێگریکردن لە هەڵکشانی ڕێژەی جیابوونەوە لە هەرێمی کوردستان پێویستە تاکەکان لەیەکتر تێبگەن و یەکتر قبوڵکەن و دواتر بڕیاری هاوسەرگیری بدەن چونکە، لێکتێنەگەیشتن و یەکتر قبوڵنەکردن کاریگەری خراپ لەسەر پڕۆسەکە دادەنێت.[1]
#25-01-2020#