چاپ و بڵاوکردنەوەی #سلێمانی# ئاماری کارو چالاکییەکانی ساڵی 2019ی خستەڕوو و بەپێی ئامارەکەش، هەڵسەنگاندنیان بۆ 33 کتێب کردووە و هەزاران کتێبیشیان بەخشیوە.
ئەمڕۆ دوو شەممە 27-1-2020، ئەریوان سیوەیلی بەڕێوەبەری ڕاگەیاندنی بەڕێوەبەرایەتی ڕاگەیاندن و چاپ و بڵاوکردنەوەی سلێمانی، لە کۆنگرەیەکی ڕۆژنامەوانیدا ئاماری کارو چالاکییەکانی ساڵی 2019ی خستەڕوو ڕایگەیاند: لەماوەی ئەو ساڵەدا داهاتیان 213 ملیۆن و 443 هەزار دینار بووە بە فرۆشتنی کتێب و نوێکردنەوەی مۆڵەتی کەناڵەکان.
وتیشی: بەڕێوەبەرایەتییەکەیان بەشداری سێ پێشانگای نێودەوڵەتی کتێبی کردووە هەشت هەزار کتێبی بەخشیوەتە خوێندنگە و کەسایەتییەکان و دەرخستە و هەڵسەنگاندنیان بۆ 33 کتێب کردووە و دۆسییەی سەرجەم فەرمانبەرانی بەڕێوەبەرایەتییەکە بە ئەلکترۆنی کراوە.[1]
#27-01-2020#