پەرتوکخانە پەرتوکخانە
لێ گەڕیان

کوردیپیدیا بەرفرەهترین ژێدەرێ زانیاریێن کوردییە!


گەریانا دەست نیشانکری





لێ گەڕیانا هویر      کیبورد


لێ گەڕیان
لێ گەڕیانا هویر
پەرتوکخانە
ناونامە بو زاروکێن کورد
کرونولوژیا ڕویدانا
ژێدەر
پاش
کومکری
چالاکی
چەوا لێ بگەڕهم؟
بەلاڤوکێن کوردیپێدیا
ڤیدیۆ
دارشتنا پولا
بابەت ب هەلکەفتێ
ڤڕێکرن
ڤڕێکرنا بابەتی
ڤرێکرنا وێنەی
ڕاپرسی
بوچوونێن هەوە
پەیوەندی
کوردیپیدیا پێدڤی ب چ زانیاریانە!
ستاندارد
رێسایێن بکار ئینانێ
کوالیتیا ڤی بابەتی
ئامراز
دەربارێ مە
ئەرشیڤ ڤانێن کوردیپێدیا
دەربارەی مە چ گوتیە؟
کوردیپیدیایێ بکە د مالپەرێ خودا
تومارکرن / ڤەمراندنا ئیمێلی
ئامارێن مێهڤانا
ئامارا بابەتا
وەرگێرێ فونتا
گهوڕینا دیرۆکان
کۆنترلکرنا ڕاست نڤیسینێ
زمان و شێوەزارێ لاپەرا
کیبورد
لینکێت پێدڤی
ئێکستێنشنا کوردیپێدیا بو گوگڵ کروم
کوکیز
زمان
کوردیی ناوەڕاست
کرمانجی - کوردیی سەروو
Kurmancî - Kurdîy Serû
هەورامی
Zazakî
English
Française
Deutsch
عربي
فارسی
Türkçe
Nederlands
Svenska
Español
Italiano
עברית
Pусский
Norsk
日本人
中国的
Հայերեն
Ελληνική
لەکی
Azərbaycanca
هژمارا من
چوونا ژوور
دێ بمە هەڤکارێ هەوە
پەیڤا نهێنە تە ژبیر کریە!
لێ گەڕیان ڤڕێکرن ئامراز زمان هژمارا من
لێ گەڕیانا هویر
پەرتوکخانە
ناونامە بو زاروکێن کورد
کرونولوژیا ڕویدانا
ژێدەر
پاش
کومکری
چالاکی
چەوا لێ بگەڕهم؟
بەلاڤوکێن کوردیپێدیا
ڤیدیۆ
دارشتنا پولا
بابەت ب هەلکەفتێ
ڤڕێکرنا بابەتی
ڤرێکرنا وێنەی
ڕاپرسی
بوچوونێن هەوە
پەیوەندی
کوردیپیدیا پێدڤی ب چ زانیاریانە!
ستاندارد
رێسایێن بکار ئینانێ
کوالیتیا ڤی بابەتی
دەربارێ مە
ئەرشیڤ ڤانێن کوردیپێدیا
دەربارەی مە چ گوتیە؟
کوردیپیدیایێ بکە د مالپەرێ خودا
تومارکرن / ڤەمراندنا ئیمێلی
ئامارێن مێهڤانا
ئامارا بابەتا
وەرگێرێ فونتا
گهوڕینا دیرۆکان
کۆنترلکرنا ڕاست نڤیسینێ
زمان و شێوەزارێ لاپەرا
کیبورد
لینکێت پێدڤی
ئێکستێنشنا کوردیپێدیا بو گوگڵ کروم
کوکیز
کوردیی ناوەڕاست
کرمانجی - کوردیی سەروو
Kurmancî - Kurdîy Serû
هەورامی
Zazakî
English
Française
Deutsch
عربي
فارسی
Türkçe
Nederlands
Svenska
Español
Italiano
עברית
Pусский
Norsk
日本人
中国的
Հայերեն
Ελληνική
لەکی
Azərbaycanca
چوونا ژوور
دێ بمە هەڤکارێ هەوە
پەیڤا نهێنە تە ژبیر کریە!
        
 kurdipedia.org 2008 - 2024
 دەربارێ مە
 بابەت ب هەلکەفتێ
 رێسایێن بکار ئینانێ
 ئەرشیڤ ڤانێن کوردیپێدیا
 بوچوونێن هەوە
 کومکری
 کرونولوژیا ڕویدانا
 چالاکی - کوردیپێدیا
 هاریکاری
بابەتێ نوی
کەسایەتی
ئەسما یوسف ئەمین
24-03-2024
کاروان م. ئاکرەیی
جهـ
کۆچۆ
21-03-2024
ڤەژەن کشتۆ
کەسایەتی
پشتیوان جەمال ئەحمەد
17-03-2024
کاروان م. ئاکرەیی
پەڕتووکخانە
ڕێبەرێ مامۆستایێ پەروەردەیا وەرزشی بۆ پۆلا حەفتی بنەڕەت تا دووازدێ ئامادەیی
02-03-2024
ڕاپەر عوسمان عوزێری
جهـ
حاتمیە
29-02-2024
ڤەژەن کشتۆ
جهـ
سنونێ
27-02-2024
ڤەژەن کشتۆ
کەسایەتی
سوهەیلا قازی محەمەد
25-02-2024
کاروان م. ئاکرەیی
کەسایەتی
زوڵفا محمود عەبدوڵا کوێخا مارف
25-02-2024
کاروان م. ئاکرەیی
ڤیدیۆ
ئەڤ بیرۆکەیا لە کیڤە سەرچاڤە گرتییە کە دبێژن ئێزیدییەکان کورد نین؟
23-02-2024
ڕۆژگار کەرکووکی
کەسایەتی
سەبریا هەکاری
21-02-2024
زریان سەرچناری
ئامار
بابەت 514,834
وێنە 104,285
پەرتوک PDF 18,893
فایلێن پەیوەندیدار 94,732
ڤیدیۆ 1,238
کەسایەتی
کەریم کابان
کەسایەتی
کوێستان داودی
جهـ
تل قەسەب
کەسایەتی
سەردار محەمەد عەبدولڕەحمان
کەسایەتی
سەبریا هەکاری
پەیامنامەیەک لە هاوبیرانی نەتەوەییەوە بۆ دەسەڵاتی سیاسیی کورد، سەبارەت بە گروپە ئیسلامییەکان و چارەنووسی باشووری کوردستان
زانیارییان ل هەردوو ئالیێ بابەتی و زمانزانیدە پوخت و پولین دەکەین و بەشێوازەکێ سەردەمییانە ل بەردەستێ وە دادنێین!
پول: بەلگەنامە | زمانێ بابەتی: کوردیی ناوەڕاست
هەڤپشکی کرن
Facebook0
Twitter0
Telegram0
LinkedIn0
WhatsApp0
Viber0
SMS0
Facebook Messenger0
E-Mail0
Copy Link0
هەلسەنگاندنا بابەتی
نایاب
گەلەك باشە
ناڤنجی
خراب نینە
خراب
بو ناڤ لیستا کومکریا
ڕایا خو دەربارەی ڤی بابەی بنڤێسە!
گهوڕنکاریێن بابەتی!
Metadata
RSS
گووگلا وێنا بو بابەتێ هەلبژارتی!
گوگل دەربارەی بابەتێ هەلبژارتی!
Kurmancî - Kurdîy Serû0
English0
عربي0
فارسی0
Türkçe0
עברית0
Deutsch0
Español0
Française0
Italiano0
Nederlands0
Svenska0
Ελληνική0
Azərbaycanca0
Fins0
Norsk0
Pусский0
Հայերեն0
中国的0
日本人0
پەیامنامەیەک لە هاوبیرانی نەتەوەییەوە بۆ دەسەڵاتی سیاسیی کورد، سەبارەت بە گروپە ئیسلامییەکان و چارەن
بەلگەنامە

پەیامنامەیەک لە هاوبیرانی نەتەوەییەوە بۆ دەسەڵاتی سیاسیی کورد، سەبارەت بە گروپە ئیسلامییەکان و چارەن
بەلگەنامە

ئەم پەیامە بەگشتی ئاڕاستەی دەسەڵاتی باشووری کوردستان و بەتایبەتی هەردوو سەرکردایەتیی پارتی و یەکێتیی دەکەین، چونکە بەکردەوە هەر ئەم دوو لایەنە لە ئێستادا باشووری کوردستان بەڕێوە دەبن و هەموو بودجە و داهاتی کوردستان و هێزەکانی پۆلیس و ئاساییش و هێزی پێشمەرگەی کوردستان و بەگشتی هەموو خوێندنگە و فەرمانگە و زانکۆ و دامودەزگا هەواڵگیرییەکان هەر لەژێر دەسەڵات و باڵادەستی ئەم دوو گەورە هێزەدان و ئەمەش ڕاستیی بارودۆخیی ئەمڕۆی باشووری کوردستانە و نکوڵیی لێناکرێت. هەرچەندە دەبووایە ئێستا خاوەنی دەسەڵاتدارییەکی کوردیی تۆکمەی یەکگرتووی بەهێز و دامەزراوەیی بووینایە و یاسا سەروەر بووایە و دەرفەتی پێکەوە کارکردن و ژیانێکی دیموکراسییانە لەسەر زەمینەی کوردایەتییەکی ڕاست و دروست بۆ هەموو هێز و لایەن و تاکێکی دڵسۆزی کوردی و کوردستانی بڕەخسایە. ئێستاش دەرفەت هەر ماوە کە ئەم ئەرکە پیرۆزە جێبەجێ بکرێت و فەرمانڕواییەکی کوردی و کوردستانیی بەرفراوان و یاسایی و دیموکراسی پێک بهێنرێت.
ئێمە بەرلەهەر شتێک دەمانەوێت هەمووان لەم ڕاستییە ئاگادار بکەینەوە کە ئێمه نە لە ڕابردوو و نە لە ئێستادا، هیچ پێوەندییەکمان لەگەڵ دەسەڵات و پارتی و یەکێتیدا، نەبووە و نییە. ئەم پەیامە تەنها لە ڕوانگەی بەرژەوەندیی باڵای کورد و کۆمەڵگای کوردستانەوە ئاڕاستە دەکەین.
ئەمڕۆ دیاردەیەکی زۆر خراپ و زیانمەند و مەترسیدار لە کۆمەڵگای ئێمەدا دروستبووە، ئەویش ئەمەیە که لاوانێکی زۆر لە کچان و کوڕان، لەم نەوە نوێیەی ئێستا، کەوتوونەتە بۆسەی ئیسلامیی سیاسییەوە و لەژێر کاریگەری و پروپاگەندەی چەواشەکارییانەی ئه و گروپە ئیسلامییە سیاسییە دروستکراوە بەکرێگیراوانەدان و ئه و گروپانە بە شێوە و شێوازی جۆراوجۆر، هەست و سۆزی ئه و لاوانە بەلای خۆیاندا ڕادەکێشن و لەم ڕێگایەوە تەڵە و داویان بۆدەنێنەوە و دەیانهێننە ژێر کۆنترۆڵی خۆیانەوە. ئه و گروپە ئیسلامییە توندڕەوانە، یاری بە ژیان و چارەنووسی ئه و لاوانەوە دەکەن و بەهەست و هۆش و گیانێکی ناکوردانە و نانیشتمانپەروەرانە و تاکڕەوانە و توندوتیژانە پەروەردەیان دەکەن.
ئێمە لەڕووی دڵسۆزییەوە له و لاوانە دەپرسین، بۆچی لایەنگریی له و گروپە ئیسلامییە سیاسییانە دەکەن!؟ ئێوە ڕۆڵەی ئەم نەتەوە و نیشتمانەن و خۆتان بە کەسانی دڵسۆز و کوردپەروەر و نیشتمانپەروەر دەنازانن. گومانی تێدا نییە ئه و لایەنە ئیسلامییە سیاسییانە هیچ بڕوایەکیان بە کوردایەتی نییە و نە لە دروشم و نە لە نووسین و بڵاوکراوەکانیاندا ئاڵای کوردستان نابینین و هیچ بیر و هێمایەکی تێکۆشانیش بۆ ئازادیی کورد و سەربەخۆیی کوردستان لە وتار و ڕەفتار و کاروکردەوەکانیاندا بەرچاوناکەوێت !؟ ئەم گروپانە لەلایەن دوژمنانی کورد و داگیرکەرانی کوردستانەوە تەنها بۆ بەسیاسیکردنی ئیسلام لە کۆمەڵگای کوردستان و دوژمنایەتیی کردنی کورد و کوردایەتی، دروستکراون. لەکاتێکدا ئیسلام وەک ئایین داوای کاری لەوجۆرە لە هیچ کەس و هیچ لایەنێک ناکات و ئەوە ئەرک و فەرمانی سەرشانی موسڵمانی کورد نییە. ئەم گروپە ئیسلامییە سیاسییانە جگە لەم ئەرک و فەرمانه بەکرێگیراوی و بێگانەپەرستییەیان، هیچ پێوەندییەکیان به ئاشتی و ئازادی و خۆشگوزەرانیی کوردەوە نییە و بەهیچ شێوەیەک لە شێوەکان پێوەندییان بە بەرژەوەندیی کوردایەتی و داهاتووی کورد و کۆمەڵگای کوردستانەوە نییه! ؟ ئایا تاوان نییە بەرامبەر کورد و کوردستان کە لایەنگریی له و گروپە دروستکراوە بەکرێگیراوانە بکرێت، کە هەر خەریکی ئاژاوەنانەوە و بەعەرەبکردنی کۆمەڵگای کوردستانن و دژی کوردایەتی و دژی فەرهەنگی ڕەسەنی کوردەواری و دژی جلوبەرگی کوردی و دژی هەموو شتێکی کوردین. ئیسلامییە سیاسییەکان بەتایبەتی دژی جلوبەرگی کوردیی ئافرەتانی کوردستانن و بە ڕێپێنەدراو و و ناپەسەندی دەناسێنن و لەبری جلوبەرگی جوان و ڕازاوە و ڕەسەنی کوردەواری، برەویان بە لەچک و سەرپۆش و باڵاپۆش و جبەی ئافرەتانی عەرەبستانی سعودی و میرنشینە عەرەبییەکانی کەنداو داوە و لەم ڕێگایەوە سیمای شارستانییانە و سەردەمییانەی کۆمەڵگای کوردەوارییان شێواندووە و دزێو و ناشیرینیان کردووە. وا بڕوا لەبەرکردنی جلوبەرگی کوردی لە نێو کچان و ژنانی کوردستاندا باوی نامێنێت!؟ لەمەش خراپتر و مەترسیدارتر، وردە وردە ناوی کوردی نامێنێت و لەبری ناوی کوردی و کوردەواریی جوان و خۆش و ڕەسەن، ناوی مناڵانی کورد بەناوی عەرەبی و ئیسلامیی، ناوزەد دەکەن، ئه و ناوانە لە مناڵەکانیان دەنێن کە نامۆ و بێگانەن بە کورد و کوردستان. ئەمانە هەندێکن لە نیشانەکانی بەعەرەبکردنی کورد و کۆمەڵگای کوردستان! ئەمانە بەزاندنی هێڵی سوورن و زەنگی مەترسیدار و ترسناکن بۆ ئاساییشی نەتەوەیی و نیشتمانیی کورد و کوردستان.
دەسەڵاتی سیاسیی کوردی تاوانبارە بەوەی کە لە ڕابردوودا ئەم توولەمارە ئیسلامییە سیاسییانەیان بەخێوکردووە و ئێستا بۆ دەسەڵات و کورد و کوردایەتی، بوونەتە کێشەیەکی گەورە. دەسەڵاتی کوردی بە هەموو شێوەیەک پشتیوان و یارمەتیدەر بوو لە پەرەسەندن و بەهێزبوون و زۆربوونی ئەم گروپە ئیسلامییە سیاسییانەدا، لەسەر داهات و بودجەی کوردستان، مانگانە و بودجەی زۆر و زۆرتریان بۆ بڕیونەتەوە، پۆستی وەزارەتیان پێشکەش کردوون، بارەگا و بنکە و مۆڵگای جۆراوجۆریان بۆ دروست کردوون، چاوپۆشییان لە کاروکردەوە ئاژاوەگێڕی و تێکدەرییەکانیان کردووە و دەکەن، چاوپۆشی لە بەعەرەبکردنی کورد و کۆمەڵگای کوردستان دەکەن، هەموو ئاسانکارییەکی یاسایی و دەستوورییان بۆ دەکەن، چەندین پەیمانگا و خوێندنگەی تایبەتییان بۆ کردو نەتەوە، لە پەڕلەمانی کوردستان کورسییەکی زۆریان داگیرکردووە و هەر ئەم ئیسلامییە سیاسییانەشن کە لەناو پەرلەمانەدا لەبەر ئاڵای پیرۆزی کوردستان و مارشی نەتەوەیی کوردی (ئەی ڕەقیب) هەڵناسن و بەبەرچاوی دەسەڵات و هەموو میللەتەوە سوکایەتی بە پیرۆزییەکانی کورد و کوردستان دەکەن. ئەمانە و چەندین پێشێلکاری و کاروکردەوەی تری نایاسایی و ناڕەوایان چاوپۆشیی لێکراوە، بەبەرچاوی دەسەڵاتەوە پێوەندیی گومانلێکراوانە بە دەوڵەتە داگیرکەرەکانی بەشەکانی دیکەی کوردستانەوە دەکەن و بە ئارەزوو و خواستی تایبەتیی خۆیان هەموو جۆرە پێوەندییەکی ژێربەژێر و گومانلێکراوانە لەگەڵ دەوڵەتە عەرەبی و ئیسلامییەکاندا دەبەستن و هەرچییان بوێت بەبەرچاوی دەسەڵاتەوە دەیڵێن و دەینووسن و دەیکەن. ئه و گروپانە زۆربەی پیاوە ئایینناسەکان، مامۆستایانی ئایینی، مەلاکان و بانگدەر و پێشنوێژکارانی مزگەوتەکان و فەقێکان، ئەمانەیان هەموو هێناونەتە ژێر کۆنتڕۆڵی خۆیانەوە و بەهاندانی ئه و گروپانە فەتوای کوشتن و شاربەدەرکردن و وڵاتبەدەرکردن بۆ ڕۆشنبیرانی دڵسۆز و کوردپەروەر دەردەکەن و بە فەتوا خوێنی نووسەران و ڕووناکبیرانی کوردستان دەکەنە کاسەوە، بۆ هەتا هەتایە نیشتمانبەدەر و ئاوارەی هەندەرانیان دەکەن، لە هەندەرانیش هەر دەبێت پۆلیسی ئه و وڵاتانە پارێزگاری لە مانەوە و ژیانیان بکەن، لەوێش دەستبەرداری ئه و ڕەخنەگر و ڕۆشنبیرانە نابن و هەوڵی لەناوبردنیان دەدەن. ئێمە دەپرسین: ئەمە چ جۆرە دەسەڵات و پەرلەمانێکە کە ئێمەی کورد هەمانە !؟ دەسەڵاتێک نەتوانێت لە کوردستانێکی ئازاد و دیموکراسیدا ژیانی هاونیشتمانییان، ڕۆشنبیران و نووسەران و ڕەخنەگران بپارێزێت، ئەبێت چ دەسەڵاتێک بێت و چ ئازایەتی و شکۆداری و سەروەرییەکی هەبێت!؟ ئەمانە و گەلێک دیاردەی خراپ و نامۆ و سەیر و سەمەرەی دیکە که ئەمڕۆ لە باشووری کوردستاندا سەریان هەڵداوە و هەر لەباسکردن نایەن.
ئەم پەیامە بۆ ئه و کەسانەشە کە لە بێئاگایی و دڵپاکییەوە، خەڵەتێنراون و دوای ئه و گروپانە کەوتوون. ئێمە لە دڵسۆزی و نیازپاکی و خواپەرستیی موسڵمانانی کوردی دوور له و گرووپانە هیچ گومانێکمان نییە. کوردستان وڵاتی پێڕەوکارانی هەموو ئایین و ئایینزاکانە کە بە ئازادی و ئاشتی، شانبەشانی یەکتر پیادەی دابونەریتی ئایینی و ئایینزایی خۆیانی تێدا دەکەن.
ئەندامان و دۆستان و لایەنگرانی ئه و گروپە ئیسلامییە سیاسیانە بێباکانە دەڵێن: نەتەوایەتی و کوردایەتی و نیشتمانپەروەری و کوردستانچێتی ئەرک و فەرمانی ئێمە نییە و ئێمە موسوڵمانین و خاوەنی پەیامێکی جیهانی و مرۆڤایەتین و خۆمان نابەستینەوە بە تەنها نەتەوەیەک و نیشتمانێکەوە. پەیامی ئێمه برایەتی و ئاشتی و دادپەروەری و خۆشگوزەرانییە بۆ هەموو مرۆڤایەتی و هەوڵ دەدەین هەموو مرۆڤایەتی ببن بە هەڵگری هەمان پەیامی ئێمە و باوەش بۆ ئیسلام و موسوڵمان بوون بکەنەوە. ئیسلام و قورئان بەرنامەی کارکردن و خەبات و جیهادی ئێمەیە و جگە لە قورئان و ڕێنماییە ئیسلامییەکان، دان بە هیچ پەیام و نووسراو و ڕێسا و یاسایەکی دیکەدا ناهێنین. ئێمە بڕوامان بە دەوڵەتی کوردی نییە و ئاڵای کوردستان و مارشی نەتەوەیی کوردی، ئەی ڕەقیب، لای ئێمە هیچ مانایەکیان نییە و لای ئێمە وەک موسوڵمان ئەم شتانە پیرۆز نین و بڕوامان پێیان نییە. بۆ ئێمە وەک موسوڵمان و هەڵگرانی پەیامی ئیسلام و قورئان، تەنها ئایینەکە و پەیامەکەی خۆمان پیرۆز و پێویست و گرنگن لامان و لە داهاتوودا دەبێت هەموو مرۆڤایەتی بێنە ژێر ئاڵای ئیسلامەوە. ئەگەر دەسەڵاتمان گرتە دەست، ئەوا ئەوەی لەگەڵ ئێمە نەبیێت و نەیەتە ژێر ئاڵای ئیسلامەوە، مافی ژیانی لای ئێمە نامێنێت و دەبێت بە سزای ڕەوای خۆی بگەیەنین.
- لەڕاستیدا ئەم پەیام و وشانەیان هەر هەموویان دژی کورد و کوردایەتین و لە خزمەتی دوژمنانی کورد و داگیرکەرانی کوردستاندان. بەکارهێنانی وشەگەلی، ئاشتی و دادپەروەری و خۆشگوزەرانی و مرۆڤایەتی لەلایەن ئەوانەوە، ئەوانە هەر هەموویان وشەی سەوز و سوور و ئامڕازی فریوکارین و فڕیان بەسەر ڕاستی و بەرژەوەندی و ئاشتی و دادپەروەری و خۆشگوزەرانیی مرۆڤایەتییەوە نییه و تەنها هەر بۆ خەڵەتاندن و بەکارهێنانی ئه و لاوانەیە، بۆ گەیشتن بە ویست و خواستە ناڕەواکانی ئه و لایەنانە خۆیانە و بۆ گەیشتن بەرژەوەندییە مادییەکانیانە، هەر بۆ ڕابوواردن و خۆشگوزەرانیی خۆیانە و هیچی دیکە. سەرکردە و بەرپرسە گەورەکانی ئه و گروپە ئیسلامییە سیاسییانە، بەبێئەوەی هیچ ئیش و کار و کاسبییەک بکەن، بەبێئەوەی هیچ بەرهەم و هونەر و پیشەیەکیان بۆ کۆمەڵگا هەبێت، بەبێئەوەی ڕەنج بدەن و ماندووببن، هەر بەهۆی نۆکەربوون و وابەستەبوون و ملکەچبوونیان بە دوژمنانی کورد و داگیرگەرانی کوردستانەوە، خۆیان هەموو خاوەنی چەندین ژن و خانوو و ئۆتۆمبێلی گرانبەهان و زۆر بەخۆشی و تێروتەسەلی دەژین، هەموو پێداویستتەکانی خۆشگوزەرانیی ژیانیان بۆخۆیان مسۆگەر کردووە. ئەوانە ئایینی ئیسلام هەر بۆ گەیشتن بە مەبەست و ئامانجە تایبەتییەکانی خۆیان بەکار دەهێنن و لە ڕاستی و کاروکردەوەدا هیچ بڕوایان بە ئایین و خواپەرستی و ڕەوشتی بەرزی مرۆڤایەتی نییە. ئەگەرنا یەزدانی مەزن و بەخشندە و میهرەبان، چی پێویستییەکی به و گروپە تێرۆریستانە هەیە!؟ یان مرۆڤە ڕۆشنبیر و تێگەیشتووەکان، نەتەوە ئازاد و خاوەن شارستانێتییە بەرز و پێشکەوتووەکانی جیهان چی پێویستییەکییان بەوە هەیە کە بچنە ژێر ئاڵای ئیسلامیی سیاسییەوە!؟ گومانی تێدا نییە کە ئیسلامیش ئایینێکە وەکوو هەموو ئایینەکانی دیکەی مرۆڤایەتی و نابێت تێکەڵی سیاسەت بکرێت و بەسیاسیی بکرێت. توندوتیژیی ئایینی و بەسیاسەتکردنی ئایین، هیچ پێوەندییەکیان بە ئایین و خواپەرستی و مرۆڤایەتییەوە نییە و لەراستیدا دژی خودی ئایینەکەن و دوژمنی خواپەرستی و مرۆڤایەتیشن. ئەم وشانە، ئەم ڕستە بێ باج و بێ ناوەڕۆکانەی ئه و گروپە ئیسلامییە سیاسییانە، تەنها بۆ فریودان و خەڵەتاندنی لاوانی هەژار و بێدەرەتانی کوردستانه، کە دەیانەوێت ئه و لاوانه بۆ ئامانج و مەبەسته سیاسییە گڵاوەکانی خۆیان بەکار بهێنن و ژیانیان ئالوودەی کاری توندوتیژیی بکەن و به و بیر و کردەوە پڕوپووچ و بێ ناوەڕۆک و بێ کەڵکانەوه، ژیان و تەمەنیان بەفیڕۆ بدەن و سەرگەردانیان بکەن.
- لە ڕوانگەی ئه و بۆچوونە چەوتانەی ئه و ئه و لایەنانەوە، ئەوە تێدەگەین کە ئەوان تەنها خەبات بۆ بڵاوکردنەوەی ئایینی ئیسلام و بەموسوڵمانکردنی میللەتان و بەئیسلامکردنی کۆمەڵگاکان دەکەن و کوردایەتی و کورد و کوردستانیان بەلاوە گرنگ و مەبەست نییە. بەرنامەی ئەم گروپانە لە سەردەمی ئێستادا دروست دەکاتە جێبەجێکردنی بەرنامەی دەوڵەتە داگیرکەرەکانی کوردستان و دوژمنانی کورد، دەنا میللەتی کورد بۆخۆی لە مێژە موسوڵمانە و پێویستی بە ڕابەری و ڕێنیشاندەریی ئه و کەس و گروپانە نییە. ئاشکرایە هەوەتەی ئیسلام پەیدا بووە و هاتووەتە کوردستانەوە و کورد بەموسوڵمانکراوە، لەوکاتەوە هەتا ئێستا زۆرینەی زۆری کورد هەر موسوڵمانە و هەموو ئەرک و فەرمانە ئایینییەکانی ئیسلام ئەنجام دەدەن و لە ڕابردووشدا هەروا بووە و زۆرجاریش کورد لە مێژووی خۆیدا بە ماڵ و سامان و گیان و ژیانەوە بەرگریی لە ئیسلام کردووە و بەهۆی ئایینی ئیسلامەوە زۆر زۆر زەرەرمەند بووە. ئەی بۆ پێش ڕاپەڕین و پێش ئەم ئازادی و ئاشتی و دیموکراسییەی کە ئێستا هەیە، هیچ گروپ و لایەنێکی ئیسلامیی سیاسیی لە کوردستاندا بوونی نەبووە و ئەم باسوخواسانە لە هیچ کەس و کۆڕ و کۆمەڵێکەوە نەبیستراون!؟ هەموومان ئەم ڕاستییە دەزانین کە ئەم گروپانە، ئەم کۆڕ و کۆمەڵ و هێزە ئیسلامییە سیاسییانە، لە سەرەتای ساڵانی هەشتاکانەوە دوای دروستبوو نی کۆماری ئیسلامیی ئێران، لە کوردستاندا پەیدا بوون و دروستکراون!؟ ئەی کورد هەر موسوڵمان نەبووە و ئایینی ئیسلامیش هەر ئایینی زۆرینەی کورد نەبووه؟ بۆچی پێشتر هیچ لایەنێکی ئیسلامیی سیاسیی لە هیچ شۆڕش و ڕاپەڕین و بزووتنەوەیەکی ڕزگاریی نیشتمانیی کورد و کوردستاندا بەشدار نەبوون و بوونیان نەبووە!؟ ئیسلام زۆر لە مێژە لەوڵاتی ئێمەدا هەیە و بەشێکی بەرچاوی سەرکردە کلاسیکییەکانی کورد لەسەر ئەم ڕێبازە بوون و زیندانی و ئەشکەنجەیان بینیوە و لەسێدارەدراون گیانیان بەخشیوە، بەڵام خەبات و ژیانیان هەر بۆ کورد و کوردستان بووە و ئامانجیان ڕزگاریی کورد و سەربەخۆیی کوردستان بووە. ڕابەرانی کورد، موسوڵمان بوون و خۆیان بەشێک بوون لە شۆڕشەکانی کورد و لەژێر سەرکردایەتیی شۆڕشدا خەباتیان کردوە. موسڵمانانی کوردیش دابونەریتی ئایینیانە و ئیسلامیانەی خۆیان لە نێو ماڵ و مزگەوتەکانی کوردستاندا دوور لە سیاسەت و گروپبازی، بەئەنجام گەیاندووە، هیچکاتێکش ڕێگر نەبوون لەبەردەم تێکۆشان و بزووتنەوەی کوردایەتیدا.
ئەم گروپە ئیسلامییە سیاسییانە، لە ئێستادا چەندین گروپی جیاوازن و هەریەکەیان نۆکەری دوژمنێکی کورد و دەوڵەتێکی داگیرکەری کوردستانن. هێندە بەرنامە و نەخشەی سیاسیی ئێرە و ئەوێیان هێناوەتە کوردستانەوە، بە ئەندازەی ژمارەی خۆیان مۆدێلی دەسەڵاتی ئێرانی و ئەفغانی و تالیبانی و سعوودی و تورکییان سازداوە. لەداهاتوودا هەرگروپێکیان دەسەڵات بگرنە دەست ئەوانی دیکە لەدژی ڕادەبن و ناتوانن لە هەلومەرجێکی سیاسی و دیموکراسی و ئاشتی و ئارامیدا پێکەوە هەڵبکەن. ئه و گروپانە یان هەریەک له و گروپانە دەسەڵات بگرنە دەست، ئەوەی بونیادنراوە، وێرانی دەکەن و کوردستان دەکەن بە گۆمی خوێن. ئێستا هیچ مەترسییەکی دوژمنان و داگیرکەرانمان لەسەر نەماوە، ئەم گروپە ئیسلامییە سیاسییە دروستکراوانە دەیانەوێت بەخراپ کەڵکوەرگرتن لەم بارودۆخی ئازادی و دیموکراسییەی باشووری کوردستان، هەروا بەئاسانی و بەخۆڕایی کورسیی دەسەڵاتی کوردستان بگرنە دەست و بودجە و سامان و داهاتی کوردستان بۆ خۆیان بەرن و بەرنامە دۆزەخی و دواکوتووەکانی خۆیان پیادە بکەن و هەر کەسێکی کوردپەروەر و دڵسۆزی کوردایەتی، ئەوانەی وەک ئەوان نین و وەک ئەوان بیرناکەنەوە، هەر ڕەخنەیەکیان لە دەم هاتە دەرەوە، جەستەی بسووتێنن، یان زمانی ببڕن و دەست و پێی ببڕنەوە یان بە شمشێری عەرەبی ملی بپەڕێنن!؟
- ئەندامان و لایەنگرانی ئەم گروپانه، هیچ وەڵامێکی ژیربێژانە و لۆژکانەیان بۆ ئەم پرسانە نییە و هەر بەردەوام ئه و بەیت و بالۆرانەی خۆیان وەک تووتی دەڵێنەوە و هەموو هۆش و گۆش و مێشکیان بە ئایینی ئیسلام و جیهاد و بەهەشت و دۆزەخەوە شۆردراوەتەوە و هیچ فەلسەفە و زانست و بیروباوەڕ و پەیڤ و ڕاستییەکی تر ناچێتە مێشکیانەوە. ئه و گروپە ئیسلامییە سیاسییانە بەشێوەیەک ئه و لاوە هەژار و بێ ئەزموون و بەستەزمانانەیان بە بیر و ڕەفتاری پڕوپووچەوە سەرگەرم کردوون، کە بەم شێوەیە نە لە ئێستا و نە لەداهاتوودا، هیچ کەڵک و فەڕێکیان بۆ کورد و کوردستان لێچاوەڕوان ناکرێت.
ئەم گروپه ئیسلامییە سیاسییانە هەر کە دەم دەکەنەوە، باسی گەندەڵی و دزی و نادادپەروەریی دەسەڵاتی سیاسیی کوردی و بەتایبەتی باسی کەموکوڕییەکانی پارتی و یەکێتی دەکەن. بێگومان بەخراپ باسکردن و دوژمنایەتی کردنی سیاسەتی دەسەڵاتی کوردی لەلایەن ئەوانەوە بۆ ئەوە نییە دەسەڵات و فەرمانڕەواییەکی دادپەروەر و دەوڵەتێکی سەربەخۆی کوردی و کوردستانیمان هەبێت، بەڵکو بۆ ئەوەیا نە کە مەرام و مەبەستە سیاسییه ناڕەواکانی خۆیانی پێ بەرنە پێشەوە. ئێمەش دەزانین کە گەندەڵی و نادادپەروەری و پێشێلکاریی یاسا و دەستوور هەیە، ئەوە ڕاستییە کە هەر کەس و هەر ڕێکخستنێک کار بکات و تێبکۆشێت و چالاک بێت، ئاساییە کە هەڵەش دەکات. ناتەواوی کەموکوڕیی و گەندەڵیش هەر تایبەت نییە بە کۆمەڵگای کوردستانی ئێمە، لە سەرانسەری مێژووی مرۆڤایەتییدا ناتەواوی و کەموکوڕی و گەندەڵی هەر هەبووە و هەر دەبێت و هەر دەمێنێت. ئێمە لێرەدا دیسانەوە زمانی ڕەخنەمان ئاڕاستەی دەسەڵاتی سیاسیی کوردی دەکەینەوە کەوا بەهۆی گەندەڵکاری و بێ بەرنامەیی و پێڕەونەکردنی دادپەروەریی کۆمەڵایەتی و سەروەرنەبوونی یاسا وە، هیچ بەرنامەیەکی پەروەردە و بارهێنان و فێرکارییان بۆ لاوانی کوردستان نەبووە و نییە و هیچ پڕۆژە و بەرنامەیەکییان نییە کە ئاپۆڕەی لاوانی پێوە خەریک بکەن و هەلی کار و ژیان و گوزەرانیان بۆ برەخسێنن. گەندەڵی و بێبەرنامەیی دەسەڵات و بێکاریی لاوان، ئه و بۆشایی و بوار و دەرفەتە لەبارەی بۆ ئه و گروپە ئیسلامییە سیاسییانە دروستکردوە تا بتوانن ئه و لاوانە هەڵبخەڵەتێنن و دووچاری کارەساتیان بکەن.
لەڕاستیدا گەندەڵی، دیاردەیەکی جیهانی و مرۆڤایەتییە و لە پێشکەوتووترین وڵاتەکانی جیهانیشدا گەندەڵی هەر هەیە و ئه و دیاردەیە هێشتا لە هیچ کۆمەڵگایەکدا بنەبڕ و چارەسەر نەکراوە. ئێستا دەسەڵاتی کوردی و تەنانەت یەکێتی و پارتیش بۆخۆیان بەرنامەی چاکسازی و دژایەتیی کردنی گەندەڵییان لەبەرچاو گرتووە و پڕۆژەی چارەسەرکردنیان بۆ داڕشتووە و هەوڵی بەئەنجامگەیاندنی دەدەن. بەڵام ئەمە نابێ ببێتە پاساو بۆ گەندەڵکاری، پێویستە و دەبێت بەسیستەم و بە کردەوە چارەسەری بکەن. ئێمەی هاوبیرانی نەتەوەیی، ڕەخنە دەگرین و ناتەواوی و کەموکورییەکان باس دەکەین، بەڵام چاومان شتی باش و جوانیش دەبینێت و باسی ئاوەدانی و ئاشتی و ئارامی و خۆشگوزەرانیی زۆربەی جەماوەریش دەکەین، باشووری کوردستان تا ئەندازەیەکی باش ئاوەدان بووەتەوە، ئەگەر گەندەڵکاری نەکرایە، به و داهات و بودجە زۆرەی کوردستان، دەبووایە دەسەڵات پڕۆژەی زۆرتر و باشتری ئەنجام بدایە و دەبووایە کێشەی بێکاری و تەنگژەی نیشتەجێبوون چارەسەر بکرانایە. بەڵام بە بەراووورد لەگەڵ وڵاتانی دیکەی ناوچەکەدا، ئازادیی دەربرینی بیروڕا و ڕۆژنامەوانیی ئازاد بوونیان هەیە و زۆربەی بوارە خومەتگوزارییەکانی ژیانی کۆمەڵگا پێشکەوتنیان بەخۆیانەوە بینیوە و هەلی کارکردن و خۆپێشخستن و خۆپێگەیاندن تا ئەندازەیەک بۆ کچان و ئافرەتانی کوردستان ڕەخسێنراوە. بەڵام ئەمە هەموو شتێک نییە و ئەرکی سەرشانی دەسەڵاتە کە زۆرتر گرنگی و بایەخ بە کچان و ژنانی کوردستان بدەن و زۆرتر دەرفەتی پێشکەوتن و هەلی کار و خزمەتگوزاریی ژیانیان بۆ دابین بکەن. هەرچەندە هەموو شتێک هەر خراپ نییە و ئه و گروپە ئیسلامییە سیاسییانە بە چەواشەکاری دەیانەوێت تەڕ و وشک پێکەوە بسوتێنن، دەیانەوێت هەموو شتێک بە ناشیرینی و دزێوی باس بکەن. ئەی ئه و گروپە ئیسلامییە بێ ڕابردووانە، بۆچی چاویان ئه و هەموو ئاوەدانکردنەوە و بنیادنانەوە و گۆڕانکارییانەی کوردستانی وێرانکراو و سوتێنراو نابینێت. ئەی بۆ ئه و گروپە ئیسلامییە سیاسییە توندڕەوانە باسی ئەوە ناکەن کە بەهۆی بەرنامە پاشکەوتوو و توندڕەوییەکانی خۆیانەوە چەندین هەزار لە کچان و ئافرەتانی بێتاوانی باشووری کوردستان، بە تۆمەتی بێڕەوشتی و بەبیانووی ئابڕووپەرستییەوە تێرۆر کراون. هەوەتەی ئەم گروپە ئیسلامییە سیاسییە توندڕەوانە دروستکراون، کێشە کۆمەڵایەتییەکان زۆرتر بوون و ئاگر جەستەی هەزاران لە کچان و ئافرەتی بێتاوانی سووتاندووە. چەند ساڵێکە بەهۆی بوون و چالاکییەکانی ئەم گروپانەوە، توندوتیژیی ئایینی و ڕەگەزی پەیدابووە و پەرەی سەندووە کە ئەم دیاردە خراپانە پێشتر هەرگیز بەم شێوەیە پێشینەیان لەنێو کورد و کۆمەڵگای کوردستاندا نەبووە.
ئێمە دەپرسین:کامانەن پڕۆژەی ئاوەدانکردنەوە و چاکسازیی کۆمەڵایەتی و خزمەتگوزارییەکانی ئەو گروپە ئیسلامییە سیاسییانە بۆ کۆمەڵگای کوردستان!؟ ئه و گروپە ئیسلامییە سیاسییانە تەنها لە چەند ساڵانێکی ڕابردوودا بە مەبەستی بەعەرەبکردنی کۆمەڵگای کوردستان و بۆ بەرژەوەندنی عەرەبستانی سعودی و میرنشینە عەرەبییەکانی کەنداو، بەهەزاران مزگەوتی مۆدێلی کەنداو و سعودییان لە باشووری کوردستاندا دروستکردووە. ئاماژەکردن بەم دیاردەیه لێرەدا، مەبەست ئەوە نییە کە دروست کردنی مزگەوت بە کارێکی ناپێویست و خراپ باس بکرێت، بەڵام ئەمڕۆ لەم باشووری کوردستانەدا، بەم پێوانە جوگرافییە کەمە وە، زۆرتر لە پێنج هەزار مزگەوت هەیە. لە هیچ وڵاتێکی عەرەبیدا کە ئایینەکە بەزمانی خۆیانە و هی خۆیانە، هێندەی باشووری کوردستان مزگەوتییان تێدا نییە!؟ سەرباری ئەمەش لە هیچ شار و گوند و شارۆچکەیەکی باشووری کورستاندا یەک مەڵبەندی ڕۆشنبیریی نەتەوەیی بوونی نییە کە لاوانی کوردستان و نەوەی نوێ بەگیانی کوردایەتی و نەتەوەپەروەری و نیشتمانپەروەری و پێشکەوتنخوازی پەروەردەیان بکات و بە ئاڕاستەی خزمەتکردن و خۆشەویستیی کورد و کوردستاندا بیانبات!؟ ئه و مزگەوتانە، زۆربەی زۆریان لەم ساڵانەی دواییدا بە مەبەستی سیاسی و بۆ بەعەرەبکردنی کورد و بەئیسلامیکردنی کۆمەڵگای کوردستان دروستکراون، سەرباری ئەمەش بۆ هەر مزگەوتەی دوو مەلا و دوو مجێور و چەندین کارمەند و خزمەتگوزاری تر تەرخانکراون بۆ خزمەوت و بەڕێوەبردنیان، لەلایەن دەسەڵاتەوە کارەبا و ئاوی بەردەوامییان بۆ دابینکراوە، ئەمە هەمووی لەسەر بودجەی کۆمەڵگای کوردستانە، ئەمە لەکاتێکدا کە بە هەزاران ماڵ و خێزانی هەژاری کوردستان بێبەرین لە ئاوی پاک و کارەبا!؟ پرسیارەکە لێرەدا ئەمەیە کە ئەم لەشکرە فرەزۆر و زیاد لەپێویستەی مەلایان و مجێوران و فەقێیان و کارمەندانی تری ئه و هەموو مزگەوتانە، بەرهەمییان چییە بۆ کۆ مەڵگا و بۆ پێشکەوتن و بۆ ئاوەدانکردنەوەی کوردستان!؟ ئەمانە بەئاشکرا بەبەرچاوی دەسەڵات و پارتی و یەکێتییەوە مزگەوتەکانیان کردووە بە شوێنی بەعەرەبکردنی لاوانی کوردستان و بە کارگەی بەرهەمهێنانی تێرۆریستان و بە بنکەی کاری توندڕەوی و توندوتیژیی ئایینییانە. سەکۆی مزگەوتەکان بۆ خوێندنەوەی وتاری ئایینی توندوتیژانە و لەکەدارکردن و ناشیرین پیشاندانی دەسەڵاتی کوردی، بەتایبەتی دژی یەکێتی و پارتی بەکار دەهێنرێن، بەبێئەوەی هەتا ئێستا دەسەڵاتی کوردی و یەکێتی و پارتی هبچ لێپرسینەوە و لێپێچانەوەیەکی یاسایی ئه و کارە توندڕەوییانەی ئه و مەلایانە و ئه و گروپە ئیسلامییە سیاسییە توندڕەوانەیان کردبێت!؟ ئه و گروپە ئیسلامییە سیاسییانە، ئەوەیان بیرچووەتەوە یان لە بیرخۆیانی دەبەنەوە کە هەر (یەکێتی و پارتی و سۆسیالیست و شیوعی و پاسۆک) بوون کە کوردایەتییان دەکرد و لە هەموو شاخ و گوند و شارۆچکە و شارێکی کورستاندا ڕووبەرووی ئه و دوژمنە بەهێز و دڕندە و دەستنەپارێزە دەبوونەوە، هەر ئەم لایەنە شۆڕشگیڕانە بوون به و ڕابردووە پڕ لە خەبات و تێکۆشانەیان، بە خوێنی گەشی هەزاران پێشمەرگەی جەنگاوەر و کۆڵنەدەر، ئەمڕۆیان بۆ دروست کردووین. ئەم ئازادی و ئاشتی و ئارامی و دیموکراسی و خۆشگوزەرانی و ئاوەدانییەی ئەمڕۆ ی باشووری کوردستان هەر بەرهەمی کوردایەتی و ڕابردووی پڕ لە تێکۆشان و کۆڵنەدانی ئەوان و هەموو جەماوەری شۆڕشگێڕی کوردستانە، نەک ئەم گروپە ئیسلامییە سیاسییە بەکرێگیراوە تازەدروستکراوانە کە هیچ ڕابردوو و شانازییەکی پێشمەرگایەتی و شۆڕشگێڕایەتی و تێکۆشانی کوردایەتییان لە کوردستاندا نەبووە و نییە و ناشیان بێت.
ئێمەی هاوبیرانی نەتەوەیی، لە ڕوانگەی بەرژەوەندیی کوردایەتییەوە، بە ئەرک و فەرمانی سەرشانی خۆمانمانزانی کە ئەم پەیام و هۆشدارییە بۆ ئێستا و بۆ داهاتوو ئاڕاستە بکەین. ئامانج و مەبەستی ئەم پەیامە تەنها بۆ مانەوە و بەردەوامیی ئەم دەسەڵاتە کوردییەی خۆمان و بۆ پاراستنی ئەم ئازادی و ئاشتی و دیموکراسی و ئارامی و ئاوەدانییەی باشووری کو ڕدستانە، هەربۆیە لێرەوە داوا لە دەسەڵات و لە هەموو جەماوەری تێکۆشەر و دڵسۆزی کوردستان دەکەین کە بەچاوی دوژمن و بەکرێگیراو و نۆکەری دوژمنانی کورد و داگیرکەرانی کوردستان سەیری ئەم گروپە ئیسلامییە سیاسییانە بکەن و بە هیچ جۆرێک کۆمەکیان پێ مەکەن و هیچ پشتیوانییەکیان مەکەن. پێویستە دەسەڵات بە بڕیاری یاسایی و بە دادگا و دەستووری کوردستان، ئیسلامیی سیاسیی و هەموو چالاکی و کاروکردەوەیەکی توندڕەوییانە و توندوتیژانەی ئایینی یاساخ بکەن و بۆ هەمیشە جەستەی کورد و کۆمەڵگای کوردستان لەم شێرپەنجانە ڕزگار بکەن.
لە کۆتاییدا پێویستە ئه و ڕاستییەش وەبیر دەسەڵات و پارتی و یەکێتی بهێنینەوە کە ئەمڕۆ لە باشووری کوردستاندا تاکە یەک ڕێکخستنی نەتەوەیی بوونی نییە. دەسەڵات و پارتی و یەکێتی ئامادە نەبوون و نین کە مۆڵەتی یاسایی، بە هیچ پارت و ڕێکخستنێکی نەتەوەیی کوردی و کوردستانی بدەن. شایانی باسە و جێگەی داخ و سەرسوڕمانە کە ڕابردوودا تاکە پارتێکی نەتەوەیی شۆڕشگێر و پێشکەوتنخواز، (پاسۆک) بوو کە هەبوو، ئەویشیان لەنێو پارتیدا تواندەوە و ئێستا لە سەرانسەری باشووری کوردستاندا یەک ڕێکخستنی نەتەوەیی نییە کە دەسەڵات و پارتی و یەکێتی بواری هەبوون و مۆڵەتی کارکردنی یاساییان پێدابێت!؟ ڕێکخستنێکی نەتەوەیی و پێشکەوتنخواز و سەردەمییانە، پێداویستییەکی گرنگ و پێویستی ئەم سەردەمەی ئێستایە بۆ کورد و کوردایەتی. هاوبیرانی نەتەوەیی، چەندین جار داخوازیی مۆڵەتی کارکردنی ئاشکرا و یاساییان لە دەسەڵات و پارتی و یەکێتی کردووە و هەتا ئێستا هیچ وەڵامێکیان له و لایەنانەوە وەرنەگرتووەتەوە کە ئەم ڕەفتار و هەڵوێستانەیان بۆ ئێمە و بۆ هەموو کورد و کوردستانییەکی نیشتمانپەروەر و دڵسۆز، جێگای نیگەرانی و گومانە!؟
بەره و ئازادی و دیموکراسی و ئاشتی و ئارامی و ئاوەدانیی زۆرتر بۆ کۆمەڵگای کوردستان.
بەره و چەسپاندنی یاسا و دادپەروەریی کۆمەڵایەتی.... بەره و کۆمەڵگایەکی ئازاد و یەکسان.
هەر شەکاوە بێت ئاڵای پیرۆزی کوردستان.
هەر بژی بیری نەتەوەیی کوردی.
سەری ڕێز و ملکەچی بۆ گیانبەخشیووانی ئازادیی کورد و سەربەخۆیی کوردستان دادەنەوێنین.
هاوبیرانی نەتەوەیی لە باشووری کوردستان
15-05-2011
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 714 جار هاتیە دیتن
هاشتاگ
ژێدەر
بابەتێن پەیوەستکری: 1
رێکەوت و رووداو
زمانێ بابەتی: کوردیی ناوەڕاست
روژا تمام کرنێ: 15-05-2011 (13 سال)
جوڕێ دۆکومێنتێ: زمانی یەکەم
زمان - شێوەزار: ک. باشوور
شێوازێ دۆکومێنتێ: چاپکری
تایبەتمەندی یێن تەکنیکی
خودانێ ڤی بابەتی مافا وەشانێ بابەتی دانە کوردیپێدیا، سوپاس!
کوالیتیا ڤی بابەتی: 88%
88%
ئەڤ بابەتە ژ لایێ: ( بەناز جۆڵا ) ل: 29-01-2020 هاتیە تومارکرن
ئەڤ بابەتە ژ ئالێ: ( هاوڕێ باخەوان ) ل : 29-01-2020 پێداچوون ژبوو هاتییە کرن و ڕەها بوویە
ئەڤ بابەتە بو دویماهیک جار ژ لایێ: ( هاوڕێ باخەوان )ڤە: 29-01-2020 هاتیە ڕاست ڤەکرن
ناڤ و نیشانێن بابەتی
ئەڤ بابەتە 714 جار هاتیە دیتن
کوردیپیدیا بەرفرەهترین ژێدەرێ زانیاریێن کوردییە!
شوینوار و جهێن کەڤنار
شکەفتا گوندێ گوندکی ل ئاکرێ
کەسایەتی
سەرهات ناریمان خەمۆ
کەسایەتی
عیسا هادی شەکر فارس
پەڕتووکخانە
دیوانا ئەحمەد حاجی بەرواری ...
کەسایەتی
عەیشان هەسن دەروێش حەمۆ
پەڕتووکخانە
دیوانا ئەحمەد عەرەب سلێڤانەیی
پەڕتووکخانە
ڕێبەرێ مامۆستایێ پەروەردەیا...
پەڕتووکخانە
باشوورێ کوردستانێ و بەغدا- ...
کەسایەتی
سەبریا هەکاری
شوینوار و جهێن کەڤنار
پرا دەلال
کەسایەتی
فادیا فێسەڵ ڕەڤۆ حسێن
کەسایەتی
عیدۆ بشار خەلەف
کەسایەتی
عەبدوڵا ساڵح ئاکرەیی
کەسایەتی
خەیری ئادەم
شوینوار و جهێن کەڤنار
کەلها سارتکە
پەڕتووکخانە
دەولەت و میرگەهێن کوردی ل س...
کەسایەتی
عەیشان مجۆ بەرکات جۆمەر
شوینوار و جهێن کەڤنار
کەلها کوردا
کەسایەتی
فایزا دربۆ حسێن

روژەڤ
کەسایەتی
کەریم کابان
18-01-2024
کاروان م. ئاکرەیی
کەریم کابان
کەسایەتی
کوێستان داودی
26-01-2024
کاروان م. ئاکرەیی
کوێستان داودی
جهـ
تل قەسەب
01-02-2024
ڤەژەن کشتۆ
تل قەسەب
کەسایەتی
سەردار محەمەد عەبدولڕەحمان
06-02-2024
کاروان م. ئاکرەیی
سەردار محەمەد عەبدولڕەحمان
کەسایەتی
سەبریا هەکاری
21-02-2024
زریان سەرچناری
سەبریا هەکاری
بابەتێ نوی
کەسایەتی
ئەسما یوسف ئەمین
24-03-2024
کاروان م. ئاکرەیی
جهـ
کۆچۆ
21-03-2024
ڤەژەن کشتۆ
کەسایەتی
پشتیوان جەمال ئەحمەد
17-03-2024
کاروان م. ئاکرەیی
پەڕتووکخانە
ڕێبەرێ مامۆستایێ پەروەردەیا وەرزشی بۆ پۆلا حەفتی بنەڕەت تا دووازدێ ئامادەیی
02-03-2024
ڕاپەر عوسمان عوزێری
جهـ
حاتمیە
29-02-2024
ڤەژەن کشتۆ
جهـ
سنونێ
27-02-2024
ڤەژەن کشتۆ
کەسایەتی
سوهەیلا قازی محەمەد
25-02-2024
کاروان م. ئاکرەیی
کەسایەتی
زوڵفا محمود عەبدوڵا کوێخا مارف
25-02-2024
کاروان م. ئاکرەیی
ڤیدیۆ
ئەڤ بیرۆکەیا لە کیڤە سەرچاڤە گرتییە کە دبێژن ئێزیدییەکان کورد نین؟
23-02-2024
ڕۆژگار کەرکووکی
کەسایەتی
سەبریا هەکاری
21-02-2024
زریان سەرچناری
ئامار
بابەت 514,834
وێنە 104,285
پەرتوک PDF 18,893
فایلێن پەیوەندیدار 94,732
ڤیدیۆ 1,238
کوردیپیدیا بەرفرەهترین ژێدەرێ زانیاریێن کوردییە!
شوینوار و جهێن کەڤنار
شکەفتا گوندێ گوندکی ل ئاکرێ
کەسایەتی
سەرهات ناریمان خەمۆ
کەسایەتی
عیسا هادی شەکر فارس
پەڕتووکخانە
دیوانا ئەحمەد حاجی بەرواری ...
کەسایەتی
عەیشان هەسن دەروێش حەمۆ
پەڕتووکخانە
دیوانا ئەحمەد عەرەب سلێڤانەیی
پەڕتووکخانە
ڕێبەرێ مامۆستایێ پەروەردەیا...
پەڕتووکخانە
باشوورێ کوردستانێ و بەغدا- ...
کەسایەتی
سەبریا هەکاری
شوینوار و جهێن کەڤنار
پرا دەلال
کەسایەتی
فادیا فێسەڵ ڕەڤۆ حسێن
کەسایەتی
عیدۆ بشار خەلەف
کەسایەتی
عەبدوڵا ساڵح ئاکرەیی
کەسایەتی
خەیری ئادەم
شوینوار و جهێن کەڤنار
کەلها سارتکە
پەڕتووکخانە
دەولەت و میرگەهێن کوردی ل س...
کەسایەتی
عەیشان مجۆ بەرکات جۆمەر
شوینوار و جهێن کەڤنار
کەلها کوردا
کەسایەتی
فایزا دربۆ حسێن

Kurdipedia.org (2008 - 2024) version: 15.33
| پەیوەندی | CSS3 | HTML5

| دروستکرنا لاپەری 0.5 چرکە!