رۆژهەڵاتی کوردستان
- ئەفشین حوسێن پەناهی، چالاکی مەدەنیی و ژینگەپارێزیی کورد، لە گرتنگەی ناوەندیی سنەسنە، بە دانانی بارمتە ئازاد کرا.[5]
- سیرووس عەباسی، چالاکی مەدەنیی خەڵکی دێولان، بە بارمتەی 100 ملیۆن تمەنی لە گرتنگە ئازاد کرا.[5]
باشووری کوردستان
- سەرۆکی دادگای تاوانی هەولێرهەولێر لە نامەیەکدا پێشنیازێک بۆ دادوەرانی هەرێمی کوردستان دەخاتەڕوو و داواش لە حکومەت و پەرلەمان دەکات بەهۆی بڵاوبوونەوەی ڤایرۆسی کۆرۆناوە بەزووترین کات یاسایەکی لێبووردنی گشتی دەربکەن.[2]
- وەزارەتی تەندروستیوەزارەتی تەندروستیی حکومەتی هەرێمی کوردستان بڕیاری راگرتنی قەدەخەکردنی هاتووچۆ لە پارێزگاکان بۆ رووبەڕووبوونەوەی کۆرۆنا بە گرنگ دەزانێت و داواش دەکات ماوەکەی درێژ بکرێتەوە.[2]
- پۆلیسی هاتوچۆی گەرمیانگەرمیان، لەبەرامبەر سەرپێچیکردن لە بڕیاری قەدەغەکردنی هاتوچۆ دەست بەسەر 25 ئۆتۆمبێلدا دەگرێت.[3]
- رێبەر ئەحمەد وەزیری ناوخۆی هەرێم لە سلێمانی لە کۆنگرەیەکی رۆژنامەوانیدا رایگەیاند: دامودەزگاکانی پارێزگای سلێمانی نمونەی کاری پێکەوەین و خەڵکیش هاوکارو پابەند بووە بەڕێنماییەکانەوە. وتیشی: قەدەغەی هاتووچۆ لە سەرتاسەری هەرێم لە ئەمشەوەوە بۆ ماوەی 5 رۆژی تر درێژ دەکرێتەوە و تا 23ی مانگ بەردەوام دەبێت.[3]
- شاخەوان عەبدوڵڵا، ئەندامی لێژنەی ئاساییکردنەوەی بارودۆخی کەرکوککەرکوک دووپاتی دەکاتەوە، بەهۆی ئەوەی دوای بڵاوبوونەوەی ڤایرۆسی کۆرۆنا، ژمارەیەکی زۆری هاووڵاتیان لە ئێرانەوە گەڕاونەتەوە ئەو شارە، کەرکوک لە مەترسیدایە و دەبێت فریای بکەون، چونکە زۆربەی گەڕاوەکان لە شاری قوم هاتوونەتەوە.[4]
- سەرەڕای راگرتنی دەوام و قەدەغەکردنی هاتووچۆ، ئەمڕۆ و سبەی مووچەی وەزارەتەکانی پێشمەرگە و دارایی دابەشدەکرێت.[3]
- بەمەبەستی کۆبوونەوە لەگەڵ لیژنەی باڵای ئۆپەراسیۆنەکان بۆبەرەنگاربوونەوەی کۆرۆنا وەزیری ناوخۆی هەرێم سەردانی پارێزگای سلێمانیسلێمانی دەکات.[3]
- وەزیری تەندروستی هەرێمی کوردستان ئاشکرای دەکات، تائێستا زیاتر لە 4 هەزار کەس کەرەنتین کراون.[4]
- کارگەیەکی بچوک بۆ دروستکردنی دەمامکدەمامک لە شارۆچکەی سەیدسادقسەیدسادق دروستکراوە و پابەندە بە رێنمایەکانی خۆپارێزی کارەکانیان دەکەن، تاوەکو ئێستا توانیویانە بێ بەرامبەر دەمامک ببەخشنە تەندروستی سەیدسادق و سەرجەم فەرمانگە حکومییەکانی ناوچەکە، داواکارن هاوکاری بکرێن تا لەم کاتەدا ئەوانیش بتوانن کارەکانیان بەردەوامی پێبدەن و گرفتی کەمی دەمامک لە هەرێمی کوردستان دروست نەبێت.[4]
- شەوی رابردوو، لە گوندی کوریمەی سەر بە شارۆچکەی مانگێش لە سنووری پارێزگای دهۆکدهۆک هەورەبرووسکە لە رانەمەڕی هاونیشتمانییەک دەدات، بەهۆیەوە 60 سەر مەڕ مردوون و 30ی سەر مەڕی دیکەش برینداربوون.[2]
- ئێوارەی ئەمڕۆ لە کاتی دروستبونی لافاو لە زاخۆزاخۆ، گەنجێکی 20 ساڵان دەکەوێتە ناو ئاوی روباری خابوور و دەخنکێ.[4]
- شەوی رابردوو بەهۆی بارانبارینی زۆرەوە لەشارەدێی جەلەولاجەلەولای سەربەشارۆچکەی خانەقینخانەقین، خانوو بەسەر خێزانێکدا رووخاوەو گیانلەدەستدانی لێکەوتووەتەوە.[3]
رۆژئاوای کوردستان
- پاش نیوەڕۆی ئەمڕۆ لە ناوڕاستی شاری عەفرینعەفرین تەقینەوەک روویدا. بەگوێرەی زانیاریە سەرەتاییەکان لەئەنجامی تەقینەوەکەدا پێنج کەس گیانیان لەدەستداوە و ژمارەیەکیش برینداربوون.[6]
دەرەوەی کوردستان
- ئەنجومەنی گەلی کورد لە بەریتانیا بەهۆی ڤایرۆسی کۆرۆناوە هەموو چالاکی، خۆپیشاندان، ئاهەنگ و پانێلێکیان لە بەریتانیا هەڵوەشاندەوە و بۆ ئەوە خزمەتی سەرەکی پێشکەشی کۆمەڵگا بکات، ناوەندی قەیرانی پێکهێنا. ناوەندەکە لە وتەبێژ و ئەندامانی کۆمسیۆنی تەندروستی، کلتوری، رێکخستنی، رۆژنامەنووسی و ژمارەیەک کۆمسیۆنی تر پێکدێت. ناوەندی قەیرانەکە لە ناوەندی کۆمەڵگای کورد لە لەندەن دەبێت.[1]
- فەخرەدین کۆجا وەزیری تەندروستی تورک رایگەیاند کەسێکی 89 ساڵ بەهۆی ڤایرۆسی کۆرۆناوە گیانی لەدەستداوە و ژمارەی تووشبوانیش گەیشتووەتە 98 کەس.[1]
- وەزارەتی تەندروستیی ئێران گیانلەدەستدانی 147 کەسی دیکەی بە ڤایرۆسی کۆرۆنا لە ماوەی 24 کاژێری رابردوودا راگەیاند، بەمەش ژمارەی ئەو کەسانەی تاوەکو ئێستا گیانیان لەدەستداوە بۆ هەزار و 135 کەس بەرزبووەوە.[2]
- ئاژانسی رۆیتەرز بڵاویکردەوە، ئەمڕۆ رێبەری باڵای کۆماری ئیسلامی ئێران، عەلی خامنەیی بڕیاری لێبوردنی گشتیی بۆ نیوەی زیندانیانی سیاسی لە وڵاتەکەی دەرکردووە. له و بارەیەوە گوتەبێژی دەسەڵاتی دادوەری لە ئێران رایگەیاندووە، نیوەی زیندانیانی سیاسی لە کۆماری ئیسلامی ئێراندا ئه و لێبوردنە دەیانگرێتەوە و ئازاد دەکرێن. بە گوێرەی زانیاری دەسەڵاتی دادوەری بە بۆنەی سەری ساڵی هەتاوی ئێران، 10 هەزار زیندانی سیاسی ئازاد دەکرێن.[4]

#سنە | #هەولێر | #وەزارەتی تەندروستی | #گەرمیان | #کەرکوک | #سلێمانی | #دەمامک | #سەیدسادق | #دهۆک | #زاخۆ | #جەلەولا | #خانەقین | #عەفرین |