بە توندی سەرکۆنەی ئه و هێرشە مووشەکييە دەکەين که شەوی ڕابردوو هێزەکانی هاوپەيمانيی نێودەوڵەتی لە سەربازگەی ئەلتاجی لە بەغدا کردە ئامانج و لە ئەنجامدا ژمارەيەک سەربازی هاوپەيمانيی نێودەوڵەتی گيانيان لەدەست دا و ژمارەيەکی ديکەشيان بريندار بوون.
لە کاتێکدا هاوسۆزی و هاوخەميمان بۆ خانەوادەی قوربانيان و وڵاتەکانيان دەردەبڕين، دووپاتی دەکەينەوە کە ئەم هێرشە پێشهاتێکی ترسناکە و زيان بە بەرژوەندييەکانی عێراق دەگەيەنێت و دۆخی وڵات دەخاتە مەترسييەوە، بەتايبەتی کە هێشتا تيرۆر مەترسييەکی ڕاستەقينەيە و #داعش# هەڕەشەيەکی جددييە لەسەر ئەمن و ئاسايشی عێراق و ناوچەکە و بۆ لەناوبردنيان پێويستی به هاوکاری و پشتگيريی هاوپەيمانيی نێودەوڵەتييە.
داوا لە لايەنە بەرپرسەکان دەکەين هێرشکاران بدۆزنەوە و ڕووبەڕووی ياسايان بکەنەوە، ڕێگەش لە دووبارەبوونەی ئەم هێرش و دوژمنکاريانە بگرن کە دەبنە هۆی نانەوەی پشێويی زياتر و دۆخەکە ئاڵۆزتر دەکەن.
#نێچيرڤان بارزانی#
سەرۆکی هەرێمی کوردستان
#12-03-2020#
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,646 car hatiye dîtin