یادی 24 / 4 /1974بە تەنها یادی کارەسات و بۆمب بارانکردنی #قەڵادزێ# نیە بەچەکی قەدەغەکراوی ناپاڵم، بەڵکو لەهەمان کاتدا یادی ڕاپەڕین و خۆپیشاندانێکی جەماوەری گەورەی ئەو شارە قارەمانەیە کە لە 24/4/1982 ڕاپەڕین لەسەردەمانێکدا کورد و قەڵادزێیەکان تەنها هێزی پێشمەرگە و چیاکان دۆست و پشتیوانیان، خەڵکی قارەمانی قەڵادزێ بەرەو ڕوی زوڵمی بەعسیەکان وەستانەوە وڕاپەڕین بەمەش ترسێکی گەورە کەوتە دڵی داگیرکەرانەوە.
بۆمبابارانکردنی قەڵادزێی خواڕاگر لە 24 / 4 / 1974 وێڕای ئەوەی بوە هۆی شەهیدکردنی کۆمەڵێک مامۆستا و خوێندکاری زانکۆی #سلێمانی# و هاووڵاتی مەدەنی، لەهەمان کاتدا دڕەندەیی ڕژێمێکی نیشاندەدا کە بۆ مانەوی دەسەڵاتەکەی سڵی لەخولقاندنی کارەسات و تراژیدیا نەدەکردەوە، بۆ هەردوو یاد سڵاو لەشەهیدانی ڕێگای ڕزگاری کوردستان و سەری ڕێز و وەفا بۆ شەهیدانی قەڵادزێی سەرکەش و نەمری بۆ شەهیدان دایکە ئامینە و خوشکە #سنە#وبەر، کە لە 24 /4 / 1982 بەخوێنی ئاڵی خۆیان هاواریان دەکرد: تا ئێستا ڕووی نەداوە لەتەئریخی میللەتا...
قەلغانی گولە سنگی کچان بێت لەهەڵمەتا.
#لاهور شێخ جەنگی#
هاوسەرۆکی #یەکێتیی نیشتمانیی کوردستان#
#24-04-2020#
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 2,829