نووسینی: #سەردار فەتاح ئەمین#
نووسەر و هۆزانڤانی باکوری کوردستان #قادر بیوکایە#
10 هۆنراوەی بەشێوەزاری زازاکی کرمانجی سەروو لە ئەلبومێکدا بڵاوکردەوە
چەندان گۆرانیبێژی هەموو بەشەکانی کوردستان میلۆدیەکانیان بۆ داناوە
له و بارەیەوە نوسەر قادر بیوکایە لە هۆڵەنداوە تایبەت ڕاگەیاند: لەپرۆژەیەکدا 10 هۆنراوەم لە لایەن 10 هونەرمەندی بەناوبانگی هەموو بەسەکانی کورستانی گەورەوە کراون بەگۆرانی و دەنگدانەوەیەکی باشیشی هەبووە.
وتیشی: بۆ یەکەمجارە لەکوردستانی باکور پرۆژەیەکی له و شێوەیە بەرهەمبهێنرێت و چاوەڕوانیشدەکرێت، لەداهاتوودا کلیپ بۆ بەرهەمەکانی دیکەشم بکرێت، هەروەها گوتیشی پێنج ساڵ پێش ئێستا بەرهەمەێکی دیکەم بڵاوکردۆتەوە، کە پلەی یەکەمی بەدەستهێنا لەکورستانی باکوورو خەڵک بەپێشوازییەکی گەورەیان لێکرد.
ئەوەشی خستەڕوو: ئه و ئەلبومە لەناو سۆشیالمیدیاش دەنگدانەوەیەکی باشی هەبووه و یەکێک لەبەرهەمەکان لەماوەی 48 سەعاتی ڕابردوودا لە یوتیوب 17 هەزار بینەری هەبووە.
لێرەدا ئاماژە بەنامەیەکی نووسەر و هۆزانڤانی باکوڕی کورستان (قادر محەمەد بیوکایە)دەکەین، کە لە خانەوادەیەکی ناسراوی وەک شەهید (نەجۆ- نەجمەدین بیوک کایە)یە، کە بە شەهید (سەلاح) لە باشور ناسراوە.
قادر بیوک کایە لە ساڵی 1960 لە گوندی قەرەهان، لە شارۆچکەی سیڤەیرک لە پارێزگای ئورفە لە باکوری کوردستان لەدایک بووە، ساڵی 1979 بە هۆی نەمر (شەهید شازاد سائیب)ەوە، لە ڕێگەی (ی.ن.ک) ەوە لە دیمەشقەوە گەیشتۆتە هۆڵەندا و لەوکاتەوە لە هۆڵەندا دەژی، ناوبراو یەکێک بووە لە ئەندامە چالاکەکانی ڕێکخراوی کارگەرانی- باکوڕی کوردستان، ئەو ڕێکخراوە لەسەر دەستی شەهید سەلاح- نەجمەدین بیوک کایە، لە دیاربەکر دامەزراوە، کە ئەو کاتە گروپێکی کۆمەڵگەی مەدەنی ئاشکرابوون، بە ناوی وارگەی شۆڕشگێڕ و دیموکراتی ڕۆژهەڵات، ئەندامەکانی بریتی بوون لە دەستەیەک لە گەنجانی کوردی خوێندەواری چەپی زانکۆکانی ئەستەمبوڵ و ئەنقەرە.
نووسەر و هۆزانڤانی باکوری کوردستان قادر بیوکایە
دە هۆنراوەی بەشێوەزاری زازاکی کرمانجی سەروو لە ئەلبومێکدا
چەندان گۆرانیبێژی هەموو بەشەکانی کوردستان میلۆدی بۆ دادەنێن
=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/384427/0001.JPG=KTML_ImageCaption_Title=نامەی قادر بیوکایە=KTML_ImageCaption_CaptionStyle=000000=KTML_ImageCaption_Caption=نامەی قادر بیوکایە=KTML_ImageCaption_End=
ئاماژە بەنامەیەکی نووسەر و هۆزانڤانی باکوڕی کورستان (قادر محەمەد بیوکایە)، کە لە خانەوادەیەکی ناسراوی وە شەهید (نەجۆ- نەجمەدین بیوک کایە)یە، کە بە شەهید (سەلاح)ناسراوە.
قادر لە ساڵی 1960 لە گوندی قەرەهان، لە قەزای سیڤیرک لە پارێزگای ئورفە لە باکوری کوردستان لەدایک بووە، ساڵی 1979 بە هۆی نەمر (شەهید شازاد سائیب)ەوە، لە ڕێگەی (ی.ن.ک) ەوە لە دیمەشقەوە گەیشتۆتە هۆڵەندا و لەوکاتەوە لە هۆڵەندا دەژی، ناوبراو یەکێک بووە لە ئەندامە چالاکەکانی ڕێکخراوی کارگەران- باکوڕی کوردستان، ئەو ڕێکخراوە لەسەر دەستی شەهید سەلاح- نەجمەدین بیوک کایە، لە دیاربەکر دامەزراوە، کە گروپێکی کۆمەڵگەی مەدەنی ئاشکرابوون، بە ناوی وارگەی شۆڕشگێڕ و دیموکراتی ڕۆژهەڵات، ئەندامەکانی بریتی بوون لە دەستەیەک لە گەنجانی کوردی خوێندەواری چەپی زانکۆکانی ئەستەمبوڵ و ئەنقەرە.
زۆربەی نوسینەکانی قادر محەمەد بیوککایە، بە زمانی تورکی نووسراون و بەشێک لە شیعرەکانی بە شیوەزاری زازاکی نوسیووە، کە ڕەنگدانەوەی خەباتی بزاڤی ڕزگاریخوازی کوردانی باکورە، شیعرەکانی ئەم شاعیرە، گەلێک لە گۆرانیبێژانی ناودار ئاوازیان بۆداناوە، بە تایبەتی دەنگبێژی ناسراوی باکوڕ (میکایەڵ ئەسڵان)، دوو ئەلبوومی سروود و گۆرانی بە CD بۆ هەڵبەستەکانی ئەم نوسەر و شاعیرە دروستکردووە و بڵاوبۆتەوە.
ئەم نوسەرە دۆستێکی نزیکی سیاسەتمەداری باشور و چالاکڤانانی کۆمەڵگەی کوردە لە هۆڵەندا، ڕێکخراوە کوردییەکانی کۆمەڵگەی مەدەنی، یانەی کوردیی میدیا لە ئەمستردام بەتایبەتی، چەندین جار چالاکیان بۆ ڕێکخستووە.
نووسینەکانی جەخت لە گێڕانەوەی بیرەوەری و یادەوەریەکانی خەباتی گەلی کوردستان لە باکور و شەهید نەجۆ (نەجمەدین بیوک کایە) و هاوڕێکانی دەکات و باسی دۆستایەتی و نزیکی خۆیان و خانەوادەکەیانی لەگەڵ کوردانی باشووردا دەکات، بە تایبەتی نەمران #مام جەلال# و کاک نەوشیروان، باسی ئەو ماوانە دەکات بەتایبەتی لەسەرەتای هەڵگیرسانەوەی شۆڕشی نوێ، چۆن کاک نەوشیروان لە گوندەکەی ئەمان موختەفی بووە و خانەوادەی ئەمان چۆن هاوکاری و یارمەتی بزووتنەوەی شۆڕشگێڕی و دیموکراتی ئەو بەشەی کوردستانیان داوە. هەروەها باس لە دروست بوونی سەرهەڵدانی گیانی کوردایەتی دەکات، هەر لە ساڵی 1971 ەوە، پاشان هاوکاری خۆیان لە هەڵگیرسانەوەی شۆڕشی نوێی گەلی کوردستاندا لە باشور، بە تایبەتی لە دوای ساڵانی 1976 تا 1979.
قادر بوکایە هەمیشە ئاماژە بەوە دەدات، کە دوا کتێبی (ئەملام #سلێمانی# و ئەولام #هەڵەبجە#)، کە بە تورکی بڵاوبۆتەوە، بە تایبەت لەسەر باشور نووسیوە، بۆ گرێدانی پەیوەندی لە نێوان باشور وباکوردا، ئێستا کتێبەکە لە تورکی یەوە کراوە بە کوردیی- کرمانجی خواروو، بەندە (سەردار فەتاح ئەمین) پێیدا چۆتەوە. کە بریتییە لە 376 لاپەڕە و 79 سەرباس و بابەتی هەمەجۆری ئەدەبی و کەلتوری لە خۆگرتووە، هەروەها هەندێ لە باسەکانی کتێبەکەی تەرخان کردووە بۆ گەشتەکەی خۆی، کە ساڵی 2014 دا بۆ باشوری کوردستانین کردووە، لە ناوچەکانی سلێمانی، #هەولێر#، #دهۆک#، هەڵەبجە، #سۆران#، بارزان، شەقڵاوە و هەتا دوایی.
بۆ یەکەمین جارە نوسەرێکی کوردی باکوڕ، بەم شێوازە بەرفراوانە کتێبێکی ئاوا، لەسەر باشوری کوردستان بە زمانی تورکی بڵاوبکاتەوە.
کتێبەکە تیشک دەخاتە سەر ڕووداوەمێژووییەکانی ئەو چل ساڵەی پێشوو، لە لێدوانێکدا بە تایبەتی باڵیۆز بەڕێز تەیب بەرواری، وەک شایەتحاڵ و هاوڕێی نزیکی کاک نەوشیروان و بەشداربوویەکی ئەو سەردەمە، ڕاستی ئەو ڕوودانەی، پشتڕاست کردەوە و بۆچوونەکانی قادر بیوک کایەی سەلماند.
لێرەدا بۆ ناساندنی ئەلبوومە تازەکەی قادر بیوکایە، کە بە دەنگی یانزە هونەرمەندی گۆرانیبێژی ناسراوی هەموو بەشەکانی کوردستان گوتراوە و ئاوازی بۆ دانراوە بەشێوەزاری زازاکی کرمانجی سەروو، کە لە ئەلبومێکدا پێشکەش کراوە. هەروەها نامەیەکی تایبەتی خۆیتان لای خوارەوە پێشکەش دەکەین، کە بە لاتینی نوسیوێتی و بۆ ئێمەی ناردووە، ئێمەش بە شێوەزاری کرمانجی خواروو بەرەوڕووی ئێوەی ئازیزی دەکەینەوە، لەگەڵ لینکی گۆ#ڕانیە#کان.
=KTML_Link_External_Begin=https://www.youtube.com/watch?time_continue=1&v=Ke1kpy3zaAI&feature=emb_logo&fbclid=IwAR2zcU38kiFvq584rb_SuSiBOege0iW5KcSYlmtgyHcYig33flmEnohDPus=KTML_Link_External_Between=Rojda - Nameyê Keyneke=KTML_Link_External_End=
=KTML_Link_External_Begin=https://www.youtube.com/watch?v=acnhf0XdLvY=KTML_Link_External_Between=Hanî Mojtahedî - Yara Mi=KTML_Link_External_End=
هیوادارم گرنگی پێبدەن. نووسەر وەک لە دەقی نامەکەیدا دەڵێت:
بەڕێزان
من قادر بیوککایەم، لە هۆڵەندا دەژیم، کوردی زازامە، بەڵام بە کوردی سۆرانی و کرمانجی قسە دەکەم، پێش چوارساڵ لەگەڵ هونەرمەندی ناسراو میکایەڵ ئەسڵان بە ناوی (WENGé ROYİ)، دەنگی فورات، ئەلبوومی یەکەمم بڵاوکردەوە، تێکست و میلۆدییەکانی هی خۆم بوون و خۆم ئامادەم کردبوون، بۆ ناساندنی ئەو ئەلبوومە ساڵی 2015 لەگەڵ هونەرمەند میکایەڵ ئەسڵان لە باکوری کوردستان لە شارەکانی دیاربەکر، سیوەرەک و لە وڵاتەکانی ئەڵمانیا، هۆڵەندا و سوید، چەند کۆنسێرتێکمان بۆ سازکردن.
ئێستە ئەلبوومی دووەمیش لەم ماوەیەدا هەر ناوی (WENGé ROYİ)، دەنگی فورات، بڵاوبۆتەوە و گوێگر و بینەرێکی زۆری لەسەر یوتوب هەیەخەریکی، نزیکەی سێ ساڵە کار و ئیشی بۆ دەکەین بۆ دەرچوونی ئەو ئەلبوومە. ئەو ئەلبوومە لە دە سروود پێک هاتووە. تێکست و میلۆدییەکانی ئەو ئەلبوومە هەموویان لە نووسینی خۆمە. بۆ دەرچوونی ئەو ئەلبوومە دە هونەرمەندی ناسراو پێکەوە ئیشناب بۆی کردووە، ئێستە ئەلبوومەکە تەواو بووە و بڵاوبۆتەوە.
بە نیاز بووین کاتێک ئەلبوومەکە تەواو بوو، لە چەند وڵاتێکی جۆربەجۆر، نزیکەی 15- 20 کۆنسێرتی گەورەی بۆ ڕێکبخەین، بەنیاز بووین مەزنترین کۆنسێرت لە شاری #ئامەد# ساز بکەین، دوای ئەوە کۆنسێرتێک لە شاری جێگەی لەدایک بوونم شاری سیڤەرەک سازبکەین. کۆنسێرتەکەی سیڤەرەک کرابووە دیاری بە ناوی هونەرمەندی سینەماز یەڵماز گۆنایەوە، هەروەها ئەو کۆنسێرتە لە گوندی باپیرانی یەڵماز گۆنای پێشکەش بکەین. وەک دەزانن کە هونەرمەندی فلیمسازی سینەمایی یەڵماز گۆنای لای کورد و سەرانسەری جیهان زۆر ناسراوە. هەروەها شایانی گوتنە شاری سیڤەرەک جێگەی لەدایک بوونی شەهید نەجۆ- نەچمەدین بییوککایەیە.
شەهید نەجمەدین بییوککایە، لای یەکێتیی نیشتیمانیی کوردستان وەک شەهیدی خۆیان قبووڵیان کردووە و لە ناو بیرۆی مەکتەبی سیاسی #یەکێتیی نیشتمانیی کوردستان# پەیکەری بۆ دروستکراوە.
ئێمە کۆنسێرتەکەمان ئەگەر ئەم نەخۆشی پەتای کۆرۆنایە ڕێگەی لێ نەگرتینایە بەنیاز بووین دوای ئاماد و سیوەرەک، هەوڵ بدەین لە تورکیا لە ئەستەمبوڵ، ئەزمیر، ئەدەنە، مێرسین و چەند شارێکی تری تورکیا پێشکەش بکەین، هەروەها جگە لەو شوێنانە بەنیازبووین لە ئەڵمانیا و هۆڵەندا و سوید کۆنسێرتێکی ڕێک و پێک دروست بکەین.
بە هۆی دۆستم سەردار فەتاح ئەمین لەگەڵ بەڕێز بەڕێوەبەری ڕۆشنبیری سلێمانی کاک بابەکر دڕەیی قسەم کردبوو، زۆر حەزم دەکرد، کۆنسێرتێکی گەورە، لە شاری سلێمانی پێشکەش بکەم، ئەگەر بمانتوانی بایە ئەو ئیماکانێتە دەست بخەین. دەبوو ئەم کارە بۆ گەلەکەمان ببوایە بە قانزانجێکی گەورە.
ئێستەش بۆ مەستی بڵاوبوونەوەی ئەو کارە و ئیشی ئێمە زۆر حەز دەکەین لە تەلەفزیۆنەکانی کوردستان، لەگەڵ ئێوەی بەڕێز پەیوەندی دروست بکەین، ئەگەر ئێوە بتوانن دەستی یارمەتیمان بۆ درێژ بکەن، ئێمە زۆر مەمنوون دەبین.
لەگەڵ ڕێزمان
قادر بییوککایە
بۆ ئەوەی هەڵە نەکەم وەک خۆی ناوی گۆرانیبێژەکان لە خوارەوە وەک خۆی دەنووسیمەوە، وەک چۆن قادر بیوکایە بۆی ناردووم. ناوی ئەو 11 هونەرمەندە ناسراوەی 10 هۆنراوەی (قادر بیوکایە) یان بە ئەلبومێک لە 10 میلۆدی جواندا بەشێوەزاری کرمانجی سەروو- زازاکی گۆرانیەکانیان چڕیووە، بریتین لە:
1- میکایەڵ ئەسڵان، خەڵکی #دەرسیم# ناوی گۆرانییەکەی De Vajê.
2- بێسەر شاهێن خەڵکی قۆچەری ناوی گۆرانیەکەی. Şewê Dergî
3- ڕۆژدا خەڵکی ئەستەمبۆڵ ناوی گۆرانیەکەی- Nameyê Keyneke.
4- خەیرۆ عەباس خەڵکی ڕۆژئاڤا ناوی گۆرانیەکەی- Sewl Tengo.
5- مەیهمەت ئەکباش خەڵکی ئاماد. ناوی گۆرانی-Xalê Mi.
6- تارا مەمۆدۆڤ کوردی ئەرمینیا پێکەوە لەگەڵ کەریم سیڤێنچ خەڵکی ئاماد، گۆرانی- Se Vaj.
7- سەراب ساسا خەڵکی سیڤەرەک بە گۆرانی- Ewro Meşt.
8- سەراب ساسا خەڵکی سیڤەرەک بە گۆرانی- Xum Xumê.
9- هانی موهتەدی خەڵکی ڕۆژهەڵات بە گۆرانی- Yara Mi.
10- گوڵسڤین میدار خەڵکی دەرسیم، بەگۆرانی- [1]Waz