مەلا ڕەحیم شۆرەیی، مامۆستای ئاینییە، 35 ساڵە باخەوانی دەکات، دانیشتووی شارۆچکەی #چۆمان#ە و لە دەڤەری باڵەکایەتی بە گشتی ناسراوە، سەرەڕای خزمەتکردنی باخەکەی خۆی، لەڕێگای موتوربەکردنەوە، خزمەت بە بە دار و باخی هاوڵاتیانی دیکەش دەکات. مەلا ڕەحیم، ماوەی 10 ساڵە، لەسەر ڕێگاوبان و شەقام و کۆڵانەکانی چۆمان و گوندەکانی باڵەکایەتی، داری توو و شاتوو دەڕوێنێت، هەر خۆشی مووتوربەیان دەکات.
مەلا ڕەحیم، دەڵێت: توو دارێکی بەردارە، هەم ژینگە سەوز دەکات و هەمیش بەرەکەی بۆ خواردن سودی هەیە.
مەلا ڕەحیم، تەنیا لە چۆمان و باڵەکایەتی ئەو کارە ناکات، بەڵکو وەک خۆی باسی دەکات، لەسەر داواکاریی خەڵک و بە خۆبەخشانە چووەتە #هەولێر#، #سۆران#، ڕێگای موسڵ چەندین شوێنی دیکە و دارەکانیانی بۆ موتوربە کردوون.
ئەم باخەوانە، خەڵکی دیکەش فێری موتوربەکردن دەکات و واشیان لێدەکات ژینگەیان خۆش بووێت و بە چاندنی دار، خزمەتی بکەن.[1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,524 car hatiye dîtin