وەزارەتی تەندروستیی حکومەتی هەرێمی کوردستان ئاماری 24 کاژێری ڕابردووی تایبەت بە ڤایرۆسی کۆرۆنای بڵاوکردەوە و ڕایگەیاندووە، لەو ماوەیەدا 309 تووشبووی دیکەی کۆرۆنا دەستنیشانکراون، 13 تووشبوو گیانیان لەدەستداوە و 115 تووشبووش چاکبوونەتەوە.
بەپێی ڕاگەیێندراوی وەزارەتی تەندروستی، دوو هەزار و 634 پشکنینی ڤایرۆسی کۆرۆنا لە 24 کاژێری ڕابردوودا کراون، ئەنجامی 309 پشکنین پۆزەتیڤ بوون کە 177یان لە سنووری پارێزگای #هەولێر#، 103یان لە سنووری پارێزگای #سلێمانی#، 15یان لە #دهۆک# و 14یان لە #هەڵەبجە# بوون.
هەروەها 13 تووشبووی کۆرۆنا لەو ماوەیەدا گیانیان لەدەستداوە کە حەوتیان لە سنووری پارێزگای سلێمانی و شەشیان لە هەولێر بوون.
115 تووشبووی کۆرۆناش چاکبوونەتەوە کە 72یان لە هەولێر، 27یان لە ئیدارەی #گەرمیان#ی سەر بە پارێزگای سلێمانی، 10یان لە هەڵەبجە و شەشیان لە دهۆکن.
تاوەکو ئێستا لە هەرێمی کوردستان 197 هەزار و 336 پشکنینی کۆرۆنا لە هەرێمی کوردستان ئەنجامدراون، ئەنجامی پشکنینی 13 هەزار و 246 کەس پۆزەتیڤ بووە کە هەشت هەزار و 896یان چاکبوونەتەوە و 517یان گیانیان لەدەستداوە.