دەقی ڕاگەیێندراوی گوتەبێژی حکومەت:
بە لەبەرچاوگرتنی بەرژەوەندی گشتی و لە پێناو باشتر خزمەتکردنی هاووڵاتییان و ڕاپەڕاندنی کارەکانیان لە دامودەزگاکانی حکومەت و گەیاندنی خزمەتگوزارییە گشتییەکان و ئاماژە بە هەردوو بریاری ژمارە (1)ی ئەنجومەنی وەزیران لە 15/ 7/ 2019 و بڕیاری (52) لە 5/ 5/ 2020.
جەخت دەکەینەوە لە سەر پابەندبوونی سەرجەم ئەو فەرمانبەرانەی بە خزمەتی گشتی ڕاسپێردراون و گشت کارمەندانی حکومەت لە وەزیر و سەرۆک دەستەکان و خاوەن وەزیفە باڵاکان و ئەوانەی ئەو پلەشیان هەیە و کارمەندانی ڕاژەی شارستانی و هێزە چەکدارەکان وهێزەکانی ئاسایشی ناوخۆ لە گشت وەزارەت و دەستە و دامەزراوەکانی دیکەی هەرێمی کوردستان، ئەرکەکانی سەر شانیان جێبەجێ بکەن و پابەندبن بە دەوامی فەرميی وەزارەت و دامەزراوەکانیان، لەدەستثێکی دەوامی فەرمی لە ڕۆژانی یەکشەمەوە تا کۆتایی دەوام لە ڕۆژانی پێنجشەمە، لە کاتژمێر (8:00)بەیانی تا (3:00) دوای نیوەڕۆ.
هەروەها پێویستە لە کاتی دەوامدا، فەرمانبەران پابەندبن بە گشت ڕێنمایی و ڕێکارە تەندروستییەکانی خۆپارێزی لە ڤایرۆسی کۆرۆنا.
د. #جوتیار عادل#
گوتەبێژی #حکومەتی هەرێمی کوردستان#
3/9/2020
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,040 mal angesehen