بەشی فەرهەنگ و هونەر- چاوخشاندنێک بە بەرهەمەکانی سینەماکاری ناوداری کورد خاتوو #پووران درەخشەندە# لە نۆزدەیەمین خولی فیستیڤاڵی نێودەوڵەتی فیلمی داکا لە وڵاتی بەنگلادیش بەڕێوەدەچێت.
نۆزدەیەمین خولی فیستیڤاڵی نێودەوڵەتی فیلمی داکا Dhaka لە بەشی ڕێزلێنان لە سینەماکارێک Retrospective چاوخشاندنێک بە بەرهەمەکانی خانمە سینەماکاری ناوداری #کرماشان#ی خاتوو پووران درەخشەندە سازدەکات، کە ئەم ڕێوڕەسمە بە بەشداری ئەم دەرهێنەر، سیناریۆنووس، بەرهەمهێنەر و توێژەرە کوردە و نمایش هەندێک لە بەرهەمەکانی ئەم فیلمسازە بەرئەزموونە بەڕێوەدەچێت، کە بریتین لە: زیر سقف دودی (لە ژێر میچی دووکەڵاوییدا)، هیس! دخترها فریاد نمی زنند (بێدەنگ! کچەکان ناقیژێنن)، کودکان ابدی (منداڵایی ئەبەدی) و ڕویای خیس (خەونی خووساو) و دوای نمایشی ئەم بەرهەمە سینەماییانە، کۆڕیی ڕخنە و هەڵسەنگاندن و وڵام و پرسیار بەڕێوەدەچێت.
پووران درەخشەندە لە ڕۆژانی بەڕێوەچوونی نۆزدەیەمین فیستیڤاڵی نێودەوڵەتی فیلمی داکا لە وڵاتی بەنگلادیش، مەستێر کلاس و ڤۆرکشۆپی پسپۆڕانەی سینەمایی ساز دەکات.
بەرپرسانی بەڕێوەبردنی ئەم ڕووداوە سینەماییە، سەرقاڵی کارە سەرەتاییەکانی پێویستن بۆ بەڕێوەبردنی یەکەمین خولی تێکەڵاو پێکهاتوو لە نمایشی ئۆنلاین و هەروەها بە شێوەی ئامادەبوونی بەرهەمە بەشداربووەکان لەم فیستیڤاڵەن.
نۆزدەیەمین خولی فیستیڤاڵی نێودەوڵەتی فیلمی داکا DIFF کە بە یارمەتی ئەنجوومەنی فیلمی کۆلکە زێڕینە و بە نمایشی 200 فیلم لە دەرهێنەرانی 60 وڵاتی جیهان لە بەشە جۆراوجۆرەکانی پێشبڕکێی و دەرەوەی پێشبڕکێی لەوانە: بەشی پێشبڕکێی فیلمە ئاسیاییەکان، بەشی سینەمای جیهان، بەشی ڕابردوو، بەشی پانۆڕامای بەنگلادیش، بەشی فیلمەکانی منداڵان، بەشی سینەماکارانی ئافرەت، بەشی کورتە فیلم و فیلمە سەربەخۆکان و هەروەها بەشی فیلمە مەعنەوەییەکان لە ڕۆژانی 16 تا #24-01-2021# بە شێوەی فیزیکی و ئۆنلاین لە ناوەندە سینەماییەکانی ئالینس فرانسیس Alliance Francaise، ستار سینەپلاس Star Cineplex، ئاکادیمیای شیلپاکالا Shilpakala، کتێبخانەی گشتیی و هەروەها هۆڵی کۆبوونەوەکانی مۆزەخانەی شاری داکا لە وڵاتی بەنگلادیش بەڕێوەدەچێت.[1]