چەپکێک یاد..
هۆنراوەی: فەرید مەخموری
گوتنی: میکائیل
بۆ دەهاتی
خۆت دەخستە
گرتوخانەی ئەم شیعرانەم
نەتدەزانی
شیعرەکانم سێدارەن و
دەبێ خۆتیان پێ هەڵواسی؟
پێم نەگوتی گەر هاتیە لام
مەگەڕێوە و
جێم مەهێڵە بە کەساسی؟
کە دەتزانی
بەرگەی پەتای عەشق ناگری
بۆ دەهاتی ژیانت لێ تاڵ دەکردم
لە ئەنجامدا، شنەی سۆزت
بۆ ئاقاری
سەدان مەرگەسات دەبردم..!
#هەولێر#
11-10-1995
دون هذا السجل بلغة (کوردیی ناوەڕاست)، انقر علی ايقونة
لفتح السجل باللغة المدونة!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
تمت مشاهدة هذا السجل 1,167 مرة