دەقی پرسەنامەکە:
بەبۆنەی کۆچی دوایی بابە شێخ کەسایەتی ناسراو و دیاری گەلەکەمان و، ڕابەری ڕۆحیی ئێزدییەکان لە کوردستان و عیراق وجیهان، پرسەو هاوخەمیی قوڵی خۆمان ڕادەگەیەنین، سەرەخۆشی لە گەلەکەمان و تەواوی ئێزدییان لە کوردستان و عیراق و جیهان دەکەین.
بابە شێخ دۆستێکی دێرینی سەرۆک مام جەلال و کەسایەتییەکی ئایینی و کۆمەڵایەتی گەورەو نیشتمان پەروەرێکی کاریگەر بوو، کە ڕۆڵی گرنگی گێڕا لە بەهێزکردنی گیانی پێکەوەژیان و برایەتی و یەکترقبوڵکردن لەناو تانوپۆی میللەتەکەماندا.
وەک سەرۆکایەتیی یەکێتیی نیشتمانیی کوردستان جارێکی تر، خەم و پەژارەی خۆمان دووپات دەکەینەوە، و داواکارین خوای گەوره سەبوری بە کەسوکاری و شوێنکەوتووانی ئەم زاته نمونەییە بدات.
ڕۆحی بابە شێخ بۆ هەمیشە شادبێت.
سەرۆکایەتی یەکێتیی نیشتمانیی کوردستان[1]