لۆ گەنمی زیوان، لۆ برنجی داڕوجان
زیوان گیایەکە تۆوەکەی تاڵە لەناو دەغڵ و دان دەڕوێت و ئەگەر کەسێک بیخوات دەڵێن خەوی دێت و نانیش تاڵ دەکات ئەگەر لەگەڵ گەنمەکەی بهاڕدرێت، داڕوجان، پێشی دەوترێت: کاڕووش، ڕووەکێکی فرە ساڵیە، حەوت ساڵان وشکی بکەیتەوە دواتر بارودۆخی گونجاو بێت دەست بەڕوان و شین بوونەوە دەکات، زیانی زۆری بۆ بەرووبومە کشتوکاڵیەکان هەیە بەتایبەتی دانەوێڵەی برنج ، ئینجا جوتیار و وەرزێری کورد ئەزمونێکی بۆ دەرکەوتووە کە هەر شتێکی باش غەنیم و نەیار و ناحەز و گرفت و کۆسپ و تەگەرەیەکی لەپێشە، وەک چۆن گەنم زیوانی نەیارە و برنجیش داروجان به و شێوەیە بۆ شتێکی باش نەیارێکی خراپ هەیە، ئەوەی کردووە بە ئیدیۆم و فەرمویەتی(لۆ گەنمی زیوان، لۆ برنجی داڕوجان).[1]
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 1,394 gånger