دەقی پیرۆزباییەکەی #قوباد تاڵەبانی#:
بەڕێزان بەڕێوەبەر و میدیاکاران و کارمەندانی تەلەفزیۆنی خاک
لەیادی بیست و پێنج ساڵەی دامەزراندنی تەلەفزیۆنی خاک، گەرمترین پیرۆزبایتان لێدەکەم و هیوای سەرکەوتن و بەرەوپێشچوونی زیاترتان بۆ دەخوازم.
کەناڵە کلتوری، فەرهەنگی، کۆمەڵایەتی، ڕۆشنبیری، هونەری و هەمەڕەنگەکەی خاک لە ساتەوەختی دامەزراندنییەوە بەهەوڵی دڵسۆزان و خەمخۆران توانی ڕەنگە جیاوازەکان کۆبکاتەوە و لەشاشە سەنگینەکەیدا ڕەنگ بداتەوە.
خاک به و بەرهەم و داهێنانە میدیایانەی ئەنجامیدا، بووە تەلەفزیۆنێکی دڵخوازی وەرگری کوردی کە تا ئەندازەیەکی زۆر، جۆرێک لەرچەشکێنی لەبواری ڕاگەیاندندا دروستکرد و تائێستاش ناوێکی درەوشاوەیە لەناو کایەی میدیای کوردیدا.
بۆ ساڵی نوێی تەمەنی خاک دەخوازین هەنگاوی جدی بنێت و هاوتای سەردەمەکە خۆی نوێ بکاتەوە.
قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!