مەکتەبی سیاسی یەکێتیی نیشتمانیی کوردستانیەکێتیی نیشتمانیی کوردستان لە یادی 22 ساڵەی کۆچی دوایی ئیبراهیم ئەحمەددا راگەیەنراوێکی بڵاو کردەوە.
دەقی راگەیەنرا:
ئیمڕۆ بیست و دووساڵ بەسەر کۆچی دوایی مامۆستای سیاسەت ٫ تێکۆشەری کوردایەتی و ڕوناکبیری گەلەکەمان و پارێزەری مافە نەتەوەییەکانمان مامۆستا ئیبراهیم ئەحمەدئیبراهیم ئەحمەد تێدەپەڕێت.
لە مێژووی بزووتنەوەی کوردایەتیدا مامۆستا برایم چرا ڕۆشنکەرەوەی خەبات و تێکۆشان بوو٫ هەر لە نووسینە ئەدەبیەکانی و هۆنراوه و چیرۆکەکانیدا گیانی بەرگری و نیشتمانی و نەهێشتنی جیاوازی چینایەتی پەی پێکراوە کەئەو زاتە خاوەن بیرێکی مەزنە بۆ ڕێنوێنکردنی خەبات.
مامۆستا ئیبراهیم ئەحمەد لەسەردەمێکدا لەئاست ئەوەی حزب و خەباتی سیاسی کوردایەتی لەبەرژەوەندی چەند کەسێکدا بچوکنەکرێتەوە لەگەڵ زۆرینەی هاوڕێکانی لەمەکتەبی سیاسی ئەو کاتی پارتی دیموکراتی کوردستانپارتی دیموکراتی کوردستان دا نەخێریان بەرزکردەوەو لەو ڕۆژ و سەردەمەوە خەباتی سیاسی کوردایەتی چووە قۆناغێکی ترەوە و جڵەوی تێکۆشان کەوتەدەستی ڕۆشنبیرانەوە.
مامۆستا ئیبرایم ئەحمد تا ئەوڕۆژەی بەیەکجاریی جێهێشتین و دوا ماڵئاوایی لێکردین هەمیشە فێرگەیەک بوو بۆ تێکۆشان و گەنجینەیەک بوو لە ئەزمون،
بۆیە ڕۆڵ و پێگەی لەکایەکانی سیاسی، ڕووناکبیریی، ئەدەبی، نەتەوەیی و نیشتمانیدا بۆهەمیشە لەیادماندا زیندوو دەمێنێت.
مەکتەبی سیاسی
یەکێتیی نیشتمانیی کوردستان
08-04-202208-04-2022
[1]
⚠️ تێبینی: ئەم بابەتە بە رێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

#یەکێتیی نیشتمانیی کوردستان | #ئیبراهیم ئەحمەد | #پارتی دیموکراتی کوردستان | #08-04-2022 |