ناونیشانی پەڕتووک: هەنگەوان
ناوی نووسەر: ماکسێنس فێرمین
ناوی وەرگێڕ: #ئازاد بەرزنجی#
ڕۆمانی هەنگەوان سێیەم ڕۆمانی سێینەی ڕەنگەکانی ڕۆماننووسی فەرەنسی ماکسێنس فێرمینە. ئەوە بوو پێشتر هەردوو ڕۆمانی بەفر و کەمانچە ڕەشەکەیمان کرد بە کوردی و کەوتنە بەرچاوی خوێنەران. نووسەر لەم ڕۆمانەشدا کار لەسەر ڕەنگ و ڕەهەندەکانی ڕەنگ دەکات، بەڵام ئەمجارەیان نە ڕەنگە سپییەکەی بەفرە و نە ڕەنگە ڕەشەکەی کەمانچە ڕەشەکەیە، بەڵکوو ڕەنگی ئاڵتوونییە، ئاڵتوونیش چەند جوان و بریقەداریش بێت بەڵام هەر فریودەرە. پاڵەوانی ئەم ڕۆمانە ئۆرلیان ڕۆشفێرە و خەڵکی پرۆڤانسی سەر بە فەرەنسایە و ڕووداوەکانیش لە کۆتاییەکانی سەدەی نۆزدەهەمدا لەنێوان فەرەنسا و ئەفریقادا ڕووئەدەن. ڕۆژێکیان کە هەنگێک بەسەر دەستی ئۆرلیانەوە دەنیشێتەوە ئیدی بە ڕادەیەک سەوداسەری ڕەنگە زێڕینەکەی دەبێت کە بڕیار ئەدات ببێت بە هەنگەوان و خەون بە پەروەردەکردنی هەنگ و بە هەنگوینی زێڕینەوە دەبینێت. لەم ڕۆمانەشدا، هەروەکو ڕۆمانی بەفر و کەمانچە ڕەشەکە پاڵەوانەکە دوای نشوستیهێنانی لە کاری هەنگەوانیدا و دوای ئەوەی ئاگر بەردەبێتە پوورەکانی و دەسووتێن، هەر ڕادەستی واقیع نابێت و دوای خەون و خەیاڵەکانی خۆی دەکەوێت. پاشان کاتێک پەڕتووکێک دەبارەی ئەفریقا دەخوێنێتەوە و خەون بە ئافرەتێکی پێست زێڕینەوە دەبینێت، عاشقی ئەو ئافرەتە دەبێت و فەرەنسا جێدەهێڵێت و بە دوای ئاڵتوون و ئەو ژنە ئاڵتوونییەدا بەرەو ئەفریقا دەچێت و لەو سەفەرەشیدا دووچاری چەندەها نەهامەتی دەبێت.[1]
Hinweis: Die PDF-Datei für dieses Buch ist nicht verfügbar, bitte helfen Kurdipedia, diese Datei zu erhalten! Buch senden Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,017 mal angesehen