خۆ لە باتی خوێن نەهاتووە
خوێن: خوێن و خون و خین لە کۆیە دەوترێت:خون بایی نییە، لە هەولێریش دەڵێن: خین بایی یان بەرخوێن، لە کەلتوری کۆنی گەلاندا ژنان و کچان هەندێجار وەکو کاڵا و کەلوپەل سەیر کراون و بوون بە میراتیش لە هەندێ نەتەوە و بیروباوەڕدا، لە کوردستانیش بۆ خزمایەتی و کوژاندنەوەی ئاگری(خوێن بە خوێن) و دوژمنداری لە بری خوێن و تۆڵە سەندنەوە بەهای خوێن ڕژان کیژ و کچان بوون، لە ئاشتەواییدا کچان لەبری خوێنی پیاوان دراون بە برا یان مام یان باوکی کوژراوەکە به و کچەش وتراوە: (بەر خوێن یان بەدەل خوێن)، هەندێک له و کچە بەرخوێنانە لەلایەن خەزورانەوە زۆر ئەزیەتی دەروونی دەدران و کاروباری قورس و وەچە خستنەوەی زۆریان پێ دەکرا، ئه و واقیعە کۆمەلایەتیەیە بووە بە ئیدیۆم و لە کاتی چەوساندنەوە و زوڵم و ستەمکردن و لێدان و کاری قورس پێکردن و زەحمەتکێشی بە ژنان بە نیگەرانیەوە وتراوە: خۆ لە باتی خوێن نەهاتووە.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 788 mal angesehen