Navê pirtûkê: Veser a Rêzimana Kurdî ya Kurmancî -bi hîndarî
Navê nivîskar: Abdullah Karabax

Ji lêkeran ên ku ji aliyê raderê ve rolên bingehîn radikin, piraniya
wan di lîsteya jêrîn de hat rêzandin.
Ji bo lêkerên hevedudanî/pêkhatî hin mînak hatin hilbijartin. Ji ber
ku ew bigiştî li gorî raderên bingehîn pêk hatine. Wekî ku di mijarên
xwe de jî hatibûn vegotin, ji aliyê kêşanê ve guhartin di raderan de
çêdibin.
Bêyî mînakên taybet, hemû lêkerên ku bi (-andin)’ê diqedin jî di vê
lîsteyê de bi şêweyê raderîn nehatin nimandin.
Ji hin lêkerên negerguhêz û ji yên gerguhêz, bi paşgira (-andin)’ê
lêkerên nû yên gerguhêz tên dariştin. Bidestxistina rayekên wan ên
dema borî û dema niha hêsan in.
Hin lêkerên ku rayekên wan ên dema borî paşgira (-ya)’yê digirin,
ew li vir nehatin nîşankirin. Ji ber ku her ku diçe ziman xwe nûjen
dike û dibe ku pêşerojê de di wan lêkeran de bikaranîna paşgira
(-ya)’yê dê hîntir kêm bibe. Der barê vê xalê de şîrovakirina min :
Ev bikaranîn, bi giranî ya zimanê gelêrî ye û kirpandina rayekê
dişidîne.
Di vebijartina lêkeran de, ferhanga Kurdî-Tirkî ya çapa duyem a
Zana Farqînî sereke hat dîtîn.
Ev lîste li gorî rader, rayeka dema borî û ya dema niha, gerguhêzî
û negerhûziya lêkeran hat amadekirin.[1]