سەرمایەی کۆمپانیاکە 300 ملیۆن دۆلارە
خاوەندارێتی کۆمپانیای ئای کیو، کێشە دەخاتە نێوان #قوباد تاڵەبانی#و #شاناز ئیبراهیم ئەحمەد# و #بافڵ جەلال تاڵەبانی#
بەپێی زانیارییەکانی بوار، بەهۆی زۆری داهاتی کۆمپانیای ئای کیو بۆ ئینتەرنێت، کێشەی لەنێوان شاناز ئیبراهیم ئەحمەد و بافڵ تاڵەبانی و قوباد تاڵەبانی دروستکردووە و قوباد تاڵەبانی پێی وایە بەهۆی زۆر داهاتی ئەو کۆمپانیایە شاناز ئیبراهیم ئەحمەد پێگەی خۆی بەهێزکردووە.
بەپێی زانیارییەکانی بوار، کۆمپانیای ئای کیو، لەلایەن کوڕەکانی شاناز ئیبراهیم ئەحمەدەوە بەڕێوە دەبرێت و بەهاکەی بە 300 ملیۆن دۆلار دەخەمڵێنرێت، کە خاوەنی کێبڵی ئینتەرنێتی فایبەر ئۆپتیکی شاری سلێمانی و قەزاکانی دەوروبەریەتی. زۆربەی سێرڤەری کۆمپانیاکانی ئینتەرنێت دابین دەکات و کێبڵی ئینتەرنێتی گەیاندووەتە بەردەم هەموو ماڵێک لە شارو شارۆچکەکان..کە لە ئێستادا سەدان هەزار بەشدار بوی هەیە و جگە لە #سلێمانی#، لە #بەغداد# و #کەرکووک#یش کاردەکات.
بەپێی زانیارییەکانی بوار، ئەم کۆمپانیایە، سەرچاوەی سەرەکی داهاتی شاناز ئیبراهیم ئەحمەدە و بافڵ تاڵەبانی و قوباد تاڵەبانی، پێیانوایە بەکارئاسانی یەکێتی ئەو سەرمایەیەی پێکەوە ناوە، بۆیە لەئێستادا بافڵ تاڵەبانی، دەیەوێت شاناز ئیبراهیم ئەحمەد بەشێکی کۆمپانیاکە بگەڕێنێتەوە بۆ ئیدارەی گشتی یەکێتی. [1]