خالد عەلی سلێڤانەیی
سیستەمێ بەرگیریێ
کەرنتیکرنە، ناهێلن ئەز بچم تاخێ دی یێ باژێری، نزانن ب تنێ دیتنا وێ سیستەمێ بەرگیریا جان و لەشێ من ب هێز دئێخت.
هاتن و چوون
باژێر و جادە و دەرگەه داخستینە، ب تنێ هاتن و چوون بۆ ترسێ یا مایی.
دلسۆزی
ژ مرنێ ناترست، لێ ڕۆژانە پشتی ژ کاری ڤەدگەڕت مال، خوە سێ جارا ب پاککەران دشۆت، پیرەمێر و پیرەژنەک یێن د ژۆرا دی ڤە.
ژڤانێ عشقێ
گۆتێ: خوە ل پشت وێ دەمامکێ ژی، خوەزی تە زانیبا لێڤێن تە چەند شرینن.
ئێکسەر لێ ڤەگێرا و گۆت: خوە ل پشت وان دەستگۆرکا ژی، خوەزی تە زانیبا، دەستێن تە چەند نەرمن.
مالێ دنیایێ
تە دیت چاوا خەلکی پارە ژی شووشتن؟!
ئەرێ، لەورا مەزنا گۆتی قرێژا دەستانە.
بەرگرتن
هندی من خوە کوخاند، هەر هاتە دەستێ من، ژ هینگێ وەرە بتلەکی کۆلۆنیایێ یێ د بەرووکا من دا.
20 چرکە
سابوون د دەستێن وی دا نیڤی دبوو، و نەدزانی پاک بوون یا نە، ڕابوو دەمژمێرەک ب سەر دەستشۆیێ ڤە هەلاویست.
تانج
خوە نە ترسینە، ڤایرۆسەکێ بچووکە چو هزرا بۆ نەکە.
ڤایرۆسەکی ب تانجە و شاهە، شاه چو هزرا بۆ کەسێ ناکن، مامۆ خولام.
قەدەغە
جادە هەمی ڤالانە، تەیرک ناڤڕت، دەرگەه داخستنیە، ب حێبەتی و برسی، پشیک ل سەر گیفکا چاڤەڕێی ترۆمبیلا گلێش نە.
ئۆنلاین
هەمی تشتێ وی د ژیانێ دا ئۆنلاین، خەونێن وی تێ نەبن.
هەموو تشت دیلڤری بۆ دهێن، خوەشیێن وی تێ نەبن.[1]