شناسە
کوردیپێدیا، پڕۆژېۋەن پەی گلېرۆکەرڎەی هەر زانیاریېۋی کە جە بارەو کورڎەسانی و کورڎی بۊ و ھومېڎوار ھەن جە دماڕۊنە بۊ بە پەڕ زانیاریتەرین سەرچەمەی کورڎیی و جە ڕاو ئاڎیۆ بە ئاسانیی بزانیۊ: کۍ، کۍ ھەن؟! و کۊگە، کۊگە ھەن؟! و چېش، چېش ھەن؟!...
کوردیپێدیا، هیچ پەیۋەڼیېۋش بە ویکیپێدیا و هیچ ڕېکۋزیێۋی تەریۆ نېیا، پڕۆژېۋی سەربەوېن و ئەرکېۋی تایبەتیی ڕێکخراوی کوردیپێدیاین.
ڕېکۋزیاو کوردیپێدیا ساڵۊ 2008 جە لایەنو (هاوڕێ باخەوان)یۆ مەرزنیانەرە.
❞کوردیپێدیا، هیچ پەیۋەڼیېۋش بە ویکیپێدیا و هیچ ڕېکۋزیێۋی تەریۆ نېیا، پڕۆژېۋی سەربەوېن و ئەرکېۋی تایبەتیی ڕێکخراوی کوردیپێدیاین.
کوردیپێدیا ۋاچېۋۍ یۊدریێنە و جە (کوردی + پێدیا) پېکئامێنە. (پێدیا) بەشۍ دوەمۊ ۋاچە یۊدریێکۍ، بەشۍ دوەمەنە جە ۋاچۍ گریکییۊ (ئێنسیکلۆپێدیا (encyclopedia، کە بە ۋاتاو ئەژناسای یان زانای یان زانیاریی گرڎینەی مێۋ. ۋاچۊ (کوردیپێدیا)ی چانەیۆ تاشیێنەرە و کریۊ ۋاتاو کوردئەژناسای، کوردی-ئەژناسای یان کوردزانای یان زانیاریی کوردیی بڎۊ. ۋاچۊ (کوردیپێدیا)ی پەی یەکەم جاری جە لایەنو ئەرەمەزنەرو کوردیپێدیایۆ ئاۋریێنەرە.
سەرچەمۍ کوردیپێدیای:
- ئا تۊمارۍ کە هامکارۍ کوردیپێدیای دلۍ پەڕیانەکا ئینتەرنێتینە مېزاشاۋە و جە یېۋە جە پېڕەکا/پۊلەکا کوردیپێدیاینە چڕۍ و پۊختېشا کەراۋە و بڕېۋ جارېچ پەی فاڕای ڕانۋیسە ھەڵەکاشا کۊشش کریۊ و بە شېۋېۋی درۊس تۊمارۍ کریاۋە، بەبۍ ئانەیە دلېنەو بابەتەکا دەستکاریی کریۊ. هەر بابەتېۋە جە هەر پەڕیانېۋۆ ھۊرگېریۊ، پېسەو ئەمانەتېۋی زانستیی نامۊ پەڕیانەکەی جە ڕیزچنو سەرچەمەکانە تۊمارە کریۊ.
- ئا بابەتۍ کە سەردانیکەرۍ و وەنەرۍ کوردیپێدیای پەی ئېمە کېیاناشا و جە ڕاو فۆڕمو تۊمارکەرڎەی بابەتېۋە ئاماڎېشا کەرمۍ. هەر بابەتېۋە جە لاو هەر سەردانیکەرېۋیۆ بەدەسو ئېمە بېیاۋۊ، نامۊ ئا سەردانیکەرەیە بۊ بە سەرچەمەو ئا بابەتۍ. هەر کەسېۋ کە گەرەکش نېیا نامېش جە ڕېزچنو سەرچەمەکا کوردیپێدیاینە بێۋ و بریۊ، ئەرک نەبۊ، با ئېمە ھاگاڎارۍ کەرۊۋە.
- ئا پېخامە تایبەتۍ کە بە کوردیپێدیای مېیاۋا و بە ژیۋای و ھەرماننامەو ئا کەساۋە پېۋەزۍ ھەنۍ، کە گەرەکشانە پېسەو بابەتېۋۍ پەی دلۍ کوردیپێدیای بێۋ.
- ئا بابەتۍ کە ھامکارۍ کوردیپێدیای دلۍ ۋەڵاکریاکانە ئاماڎەشا کەرا و چڕ و پۊختېشا کەراۋە و پۆلێنېشا کەرا.
- ئا دیمانۍ کە ھامکارۍ کوردیپێدیا چنی کەسانېۋی ئەنجامشا مڎا، بە مەبەسو ئەۋەنۋیستەی ژیۋاینامەو کەسېۋی، ۋېیەرڎەو یاگېۋی، ڕېکۋزیێۋی، ۋەڵاکریێۋی یان هەر چېۋېۋی تەری پېۋەز بە کورڎەسانی و کورڎی.
- تەمامو بابەتەکا پېرۊ/پۊلۊ ڕېکۆتا و ڕوداۋانە جە بنکەداتاو هاوڕێنامە ھۊرگېریێنۍ، تەماشەکەرە: هاوڕێنامە پەی ۋەڵینەو/تارېخو کورڎەسانی و کورڎی– ئەرەنېیای: هاوڕێ باخەوان - چاپی یەکەم – بنکەو چاپی و پەخشو سەردەمی- زنجیرە (16) - چاپخانەو ڕوونی – سلېمانییە – 1999.
هەر تۊمارېۋ بێنە دلۍ کوریدپێدیای، بە شېۋېۋ جە شېۋەکا پەیۋەڼیش بە کورڎەسانی و کورڎەسانییاۋە هەن، هیچ بابەتېۋە جە بەرو ئا تەوەرانە تۊمارە نمەکریۊ. چا دېڎگاۋە بڕېۋ جارۍ ژیۋای و ھەرماننامەو کەسېۋی ناکورڎی ۋەرو چەما گنۊ، ئا کەسە یان کورڎ-ئەژناس ھەن و خاۋەنو باسېۋی جە بارەو کورڎی یان کورڎەسانیېۋی ناکورڎۍ ھەن، یان پەیۋەڼیش بە ڕوداۋېۋۍکورڎەسانیېۋە هەن.
کوردیپێدیا، هیچ پەیۋەڼیېۋش چنی ویکیپێدیای و ھیچ ڕېکۋزیێۋی تەریۆ نېیا، پڕۆژېۋی سەربەوۍ ھەن و ڕېکۋزیاو کوردیپێدیای ئەرکېۋی تایبەتیش ھەن.
ئەرک نەبۊ، ئەر هەر زانیاریېۋ چی بنکەداتانە پەی تۊی بەڕێزی گونجېیا نېیا و گەرەکت نېیا چېگەنە بۊ، ئەرک نەبۊ، کوردیپێدیای ھاگاڎار کەرۆ.
کوردیپێدیا هەر زانیاریېۋ و ۋېنېۋ جە هەر سەرچەمېۋۆ ھۊرگېرۊ، پەی مەبەسی بازرگانی بەکارش نمەبەرۊ.
کوردیپێدیا بەردەۋام پەی پۊختەکەرڎەی بابەتەکا و ھۊرگېڵنای ساڵە کۊچیی و ڕۊجیارییەکا پەی ساڵۍ پېڎایۍ (مەسېحیۍ) بەشېۋېۋی درۊس کۊشش کەرۊ. ئەرک نەبۊ، جە هەڵۍ و کەموکوڕییەکا ۋېیەرڎی.
هەر زانیاریېۋ جە کوردیپێدیایۆ ھۊرگېریۊ، پەنەۋاز کەرۊ، نامۊ سەرچەمەکەیش و نامۊ کوردپێدیای سەرشۆ بنۋیسیۊ. پەڕیانە و بنکەداتاو کوردیپێدیای بە دۆت نێت – C شارپ و SQL بەتایبەتیی پەی ڕېکۋزیاو کوردیپێدیای ئاماڎەکریان و بەرنامەڕېژی کریان، بە بەرڎەۋامیچ خاسکریۊ و پەرەش پنە مڎریۊ. گرڎ ڕۋېۋ سەرو دۋۍسێرڤەرە جېیاۋازاۋە باکئەپو داتاکا و ۋېنەکا کریۊ، تاکو جە گرڎ هورۇژمېۋو هاکەرەکا پارېزیا!
پەڕیانەو کوردیپێدیای بە تەمایی سەرو گرڎو براوزەڕەکا (ئینتەرنێت-ئێکسپلۆرەر، فایەر-فۆکس، سەفاری، ئۆپێرا و گوگڵ-کرۆم)یۆ تاقیکریانۆ و بەبۍ کېشە ھەرمانەکەرۊ، ئەرک نەبۊ، ئەر جە بەکاربەرڎەینە هەر کېشېۋە بېیە، ئېمە ھاگاڎارۍ کەرڎېۋە.. بە مەڵامەتو کۊششو ھامکارو ئېمە کاک (
هەڤاڵ نەژادهەڤاڵ نەژاد)یۆ، کوردیپێدیا جە ڕېکۆتو
11-11-201311-11-2013 بی بە ڕېکۋزیێۋی فەڕمیی و جە
هۆلېرهۆلېر جە فەرمانگاو
ڕېکۋزیا ناحکومییەکانەڕېکۋزیا ناحکومییەکانە تۊمارکریا. بەهومېڎو ئانەیە کوردیپێدیای کەرمۍ بە پەڕ زانیاریتەرین سەرچەمەی کورڎیی و بانکو زانیاری نەتەوەیی کورڎی!
[1]
Архивариусы Курдипедии:
Aras Hiso،
Aras Îlncaxî،
Benaz Jola،
Esed Hewramî،
Evîn Teyfûr،
Hawrê Baxewan،
Hejar Kamela،
Humam Tahîr،
Kako Pîran،
Raper Usman Uzêrî،
Rêbwar Jemal Segirme،
Roj Hejar،
Rojgar Kerkûkî،
Şadî Akoyî،
Sara Kamela،
Sara Serdar،
Şene Ehmed،
Seryas Ehmed،
Siruşt Bekir،
Ziryan Elî،
Ziryan Serçinarî، ...
Члены Курдипедии
ئەرەمەرزنەرو کوردیپێدیای:
هاوڕێ باخەوانهاوڕێ باخەوان
2008 - 2022
تویتەر
فەیسبووک