بۆ هاوسۆزی لە گەڵ بنەماڵەی بێتاوانی #ژینا ئەمینی#، هاودەنگی لەگەڵ ژنانی خەباتکار و یەکسانیخواز، پشتگری لە بزووتنەوەی گەلانی ئێران و پشتیوانی لە خەڵکی خۆڕاگری #کوردستان#، لە پاریس کۆدەبینەوە.
بەو هیوایە بتوانین دەنگی تووڕەیی و بێزاری خۆمان لە کوشتنی نامرۆڤانەی ژینا و ئەو هەموو ساڵەی تاوان و هەڵاواردن و وێرانکاریی ڕژێمی ئیسلامی ئێران بە گوێی هەموو جیهان بگەیێنین و سوپاس و پێزانینی خۆمان بۆ خەباتکارە ئازاکانی ناوخۆی وڵات دەرببڕین.
ئێمە بە ئەرکی خۆمان دەزانین کە هاواری ئازادیخوازی و مەدەنی تێکۆشەرانی دژە هەڵاواردن لە ئێران بگەیەنینە پارێزەرانی مافی مرۆڤ، دامەزراوەکان، دانیشتوانی مەدەنی و حکومەتی فەڕانسە.
بەو مەبەستە بانگێشتی هەموو ئێرانیانی ئازادیخواز و یەکسانخوازی دانیشتووی فەڕانسە، خەڵکی فەڕانسە و هەموو ئازادیخوازانی ڕاستەقینە دەکەین کە لە گەڵمان بن لە ناڕەزایەتی دەربڕین بە کوشتنی مەهسا و مەحکووم کردنی تاوانەکانی ڕێژیمی ئیسلامیی ئێران.
- کۆڕی کوردەکانی دانیشتووی فەڕانسە
- شۆرای دێموکڕاتیک - پاریس (بۆ پشتیوانی لە بزووتنەوە جەماوەریەکان لە ئێران)
تا ئێستا نوێنەرانی ئەم ڕێکخراو و هاوپەیمانیە سیاسیانەی خوارەوە لە فەڕانسە پشتگیریان لەم خۆپیشاندانە کردووە:
- ناوەندی هاوکاریی حێزبەکانی   کوردستان
- ڕێکخراوی ئێتحاد فێداییانی گەلی ئێران
- کۆنگرەی نەتەوەکانی ئێرانی فێدێراڵ
- ڕێکخراوی دێموکڕاسی خوازانی ئێران
- یەکگرتوویی بۆ ئازادی و یەکسانی لە ئێران[1]
کات: شەممە #24-09-2022#
کاتژمێر: 15 - 16/30
شوێن: place de la République Paris