دەقی پرسەنامەکەی بارەگای بارزانی:
بەناوی خودای بەخشندە و میهرەبان
بەڕێزان لە خانەوادەی سەربەرزی پێنج پێشمەرگەی کوردستان
بەداخێکی زۆرەوە هەواڵی کۆچی دوایی پێنج پێشمەرگەی دڵسۆزی سەر بە لیوای پێنجی #شارەزوور#مان پێگەیشت، کە بریتیبوون لە(توانا نەسرەدین حەمە، ئەردەلان جەمال مەجید، سەروەر ئەنوەر مەحمود، جەمال جەلال حەمە، تاهیر کاکەڵڵا خەلیفە ڕەشید) کە لەکاتی گەڕانەوەیان بۆ ئەرک لە سەر ڕێگەی سەرەکی #دەربەندیخان# کەلار بە کارەساتێکی هاتووچۆ گیانیان سپارد.
بەم بۆنە خەمناکەوە، سەرەخۆشی خۆمان ئاراستەی خانەوادە بەڕێزەکانتان و کەسوکار و خزم و دۆست و ئاشنایانی خوالێخۆشبووان و سەرجەم پێشمەرگە قارەمانەکانی لیوای پێنجی شارەزوو دەکەین، خۆمان بە هاوبەشی خەمی هەموو لایەک دەزانین.
لە خودای گەورە داواکارین دڵنەوایی و ئارامی بە هەموو لایەک ببەخشێت و گیانی خوالێخۆشبووان بەر دلۆڤانی خۆی بخات و بە بەهەشتی بەرینیان شادبکات.
إنا لله وإنا اليه ڕاجعون
بارەگای بارزانی
1ی تشرینی یەکەمی 2022[1]
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!