باخچێوە بېگەرد
ئاماڎەکەرڎەی: ئەسعەد ڕەشید
بەشې سەڎ و سی و یەکەمه
گفتوگۊ میانو خەدیجەی و محەمەڎی: خەدیجە یەقین مڎۊ بە محەمەڎی، کە ئانەی دییەنش، فریشتەن، مامورو خوڎایەن پەی لاو تۊ، دیارەن پېخامێش پەنەن.
فەرقی موبارەک، پاکی پېغەمبەر
جە تۊی گریبان، وېش ئاوەرد وە بەر
خەدیجە عەرز کەرد، دیسان بەو سەروەر
ئەم جار، جوبرەئیل، مەیۊت، ئەو نەزەر
حەزرەت، فەرماوا: نەمەندەن، هاڵا
دیارەن، کەم کەم، مەشۊ، وە باڵا
خەدیجە، عەرز کەرد، دیسان هەم جە نۊ
واتش: فیدات بام، موژدە بۊ، جە تۊ
ئانە، فریشتەن، بە تۊ دیارەن
مامووری حەزرەت، پەروەردگارەن
یەقین، هەقق ئاڎش، وا گوزار کەرڎەن
تەعلیقەی مەنسەب، پەی تۊ ئاوەردەن.[1]