باخچێوە بېگەرد
ئاماڎەکەرڎەی: ئەسعەد ڕەشید
بەشې سەڎ و سی و یەرەمە
خەدیجە پەرساش وەرەقەی و ماچۊ: سیفات و ئا پېخامئاوەرەیە هەکە دلې تەورات و ئینجیلینە باسش کریان، چېشەن؟ وەرەقە سیفاتەکېش پەی واتە، ماچۊ وەسفش بېحەڎ شمارەن، ئینجا پەنەش واتە: کە لوایۆ پەی یانەی، محەمەڎم پەی بکیانە.
خەدیجە پەرسا، مەر ئەو پېغەمەر
سیفاتش چېشەن، پېم بدەر خەبەر
وەرەقە وات: وەسفش بې حەد شمارەن
بەرگوزیدە زات، پەروەردگارەن
بەڵې، وە ڕۊئیەت، نەک شەوپای خەودا
ئاشکار، مەشۊ، وە بانی ئاودا
سەنگی سەرد دایېم، هەر سات، وە چەند تەرز
مەکەران، سەلام، وە ئاوازی بەرز
چوون عیسا، ، مەردەی سەڎ ساڵە مەزار
بە ئیعجاز، چەنیش، مەیا، وە گوفتار
ئەشجار، ئەشیاه، جە ماه تا ماهیی
بە نبوەتش، مەڎان گەواهیی
وەرەقە وات: عەلعان، بشۊ وە یانە
زووتەر، محەمەد، پەی من بکیانە.[1]