باخچێوە بېگەرد
ئاماڎەکەرڎەی: ئەسعەد ڕەشید
بەشې سەڎ و سی و حۆتەمە
عەداس، کاتێ محەمەڎش دی، تەماشەو دلې لەواساش کەرد، نیشانې پېخامئاوەریش چەنە دیې، ئیتر بە پەلە سەرەی موبارەک و محەمەڎیش ماچ کەرد، دماتەر هەواڵو بەرکەرڎەی و ئاوارەیی محەمەڎیش پەنەوات، کە چەنی جە کاتو بەیانکەرڎەی پېخامەکەیش دلې خەڵکینە، جە زېد و ماواو وېشان بەرشان مەکەران.
حەزرەت، ئەی حەرفە گران ئاما لېش
فەرما، یانێ قەوم گومڕای بەڎ ئەندېش
مەکەران، وە بەر، ئېمە چی شارە
جەی موڵک و ماوا، مەبیم ئاوارە
عەداس وات: بەڵ هیچ کەس نمەبۊ
بغەیر، جە قوڕەیش، دوشمەن، چەنی تۊ
گرد چەنیت مەبان، بە خۊنەخوارە
یەقین، مەکەرات جەی زەید ئاوارە
حەقق مەدۊت نەسرەت، وە سەر خەلایېق
ئینشاڵڵا بې شک، تۊ مەبی فایېق
جەودما، حەزرەت، شای خەتمی پەنا
سەرداری سەرخېڵ، جەرگەی ئەنبیا
چەنی خەدیجە عەزەم ڕا کەرڎەن
تەشریف، وە مەنزڵ، موقەددەس بەردەن
پەی پەی جوبرەئیل، وە بې نهایەت
هەر ماما، بە وار، ماوەردش ئایەت
پەنهان، جە موشرک، قوڕەیشی عەرەب
ئایاتی شەریف، کەرد بە موخاتەب.[1]