سەرۆک کۆماری ئێڕاق لەسەردانەکەیدا بۆ پارێزگای #نەینەوا# لەگەڵ پارێزگاری شارەکە کۆبووە و ڕایگەیاند، پارێزگای نەینەوا لای هەموو ئێڕاقییەکان جێی بایەخ و گرنگییە.
ئەمڕۆ چوارشەممە 28ی کانوونی یەکەمی 2022، د. #لەتیف ڕەشید#، سەرۆک کۆماری ئێڕاق سەردانی پارێزگای نەینەوای کرد و لەگەڵ پارێزگاری شارەکە و لێپرسراوی یەکە ئیدارییەکان کۆبووە و ڕایگەیاند: پارێزگای نەینەوا خاوەنی سەرچاوەی سرووشتییە و دەوڵەمەندە بە بەرهەم و زەوی کشتوکاڵی، لای هەموو ئێڕاقییەکانیش جێی بایەخ و گرنگییە.
سەرۆک کۆمار لە کۆبوونەوەکەیدا لەگەڵ نەجم جبوری، پارێزگاری نەینەوا ئامادەیی خۆیی و هەموو لایەنە پەیوەندیدارەکانی نیشاندا هاوکاری تەواوەتی شارەکە بکرێت بۆ دووبارە ئاوەدانکردنەوە و پێشخستنەوەیی و باسی لەوەشکرد: موسڵ توانای تێپەڕاندنی قۆناغە تاریکەکانی سەردەمی چەتەکانی تەکفیری هەیە. [1]