#وەلی دېوانە#
نازک بەدەن «شەم»، نازک بەدەن «شەم»
نازک لارە و لەنج، غەمزە و نازی «شەم»
نازک لەبی شەهد، شەکەرڕېزی «شەم»
نازک تەبەسسوم قەند ئامېزی «شەم»
نازک گەردەن بەرز، باڵای بەرزی «شەم»
نازک سینە ساف سەدەف تەرزی «شەم»
نازک زوڵفی دېز عەنبەرینی «شەم»
نازک ڕیزەی ڕاز شەکەرینی «شەم»
نازک قەوسی قاش قودرەتسازی «شەم»
نازک باڵای سەوڵ سەرفەرازی «شەم»
نازک دندانان گەوهەردانەی «شەم»
نازک نەقشی خاڵ لۇتەوانەی «شەم»
نازک دۇ بازۇ و پەنجە و دەستی «شەم»
نازک ئەنگوشتان حەنابەستی «شەم»
نازک پېشانی پڕ جە بەندی «شەم»
نازک شېوەی شۊخ شاپەسەندی «شەم»
نازک زنجی زەڕ زەنەخدانی «شەم»
نازک شاماران وەبان شانی «شەم»
نازک دۇ قەندیل قۊرەتمەندی «شەم»
نازک نازکی کەمەربەندی «شەم»
یاشا هەر شەم بۊ تەوری شېوەش بۊ
هەزار پەروانە چۇن من لېوەش بۊ
ئەسیر وە قەندیل شای نەجەفماڵ بۊ
بسۊزۊ باڵاش جە زوبان لاڵ بۊ
[1]