بابەت: ئەدەبی
ناوەرۆک: #ڕەوانبێژی#
ناونیشان: $دژیەک$
ئامادەکردنی: #سەریاس ئەحمەد#
ئەو هونەرەیەکە دوو وشەی پێچەوانەی یەکی تیا بەکارهاتبێت و بەشێوەی (ئەرێ ) و (نەرێ)
وەک:-
مەرگ و ژین میسلی سێبەر و تاوە
ئەوەی باقی بمێنێ هەر ناوە.
دژیەک لەم دێڕەدا لەىێوان وشەکانی (مەرگ- ژین، سێبەر- تاو) دایە.
-دژیەکی ئەرێ: ئەو جۆرەی دژیەکە، کە وشەکان لە بنچینەدا پێچەوانەی یەکن.
- کێ وەکوو من سارد و گەرمی ڕۆژگاری چێشتووە!
گا لە دەشتی گەرمە سێر و گا لە کوێستانی گەدەم! (#هێمن موکریانی#)
دژیەک لەم دێڕەدا لەنێوان وشەکانی (سارد- گەرم، گەرمەسێر- کوێستان) دایە.
-دژیەکی نەرێ: ئەو جۆرەی دژیەکە کە بەهۆی جیاوزی پیتێکەوە درووستدەکرێت. وەک
- مەژی بۆ مردن، بمرە بۆ ژیان
چۆن قازانج ئەکەی، تا نەکەی زیان! (#ئیبراهیم ئەحمەد#)
دژیەک لەم دێڕەدا لەنێوان وشەکانی ( ژیان -زیان) دایە.
- قەسەم بەو شەربەتی دیداری پاکەت
شەرابم عەینی زەهری مارە بێ تۆ. (#نالی#)
دژیەک لەم دێڕەدا لەنێوان وشەکانی (شەربەت - زەهری مار) دایە، واتە شیرینی و تاڵی.
[1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,098 times
Write your comment about this item!