ناونیشانی پەڕتووک: ژیان لە سایەی کۆمپانیاکاندا
ناوی نووسەر: نوام چۆمسکی
ناوی وەرگێڕ: سەنگەر حەسەن نەجم
وەرگێڕان لە زمانی: ئینگلیزی
شوێنی چاپ: #هەولێر#
دەزگای پەخش: دەزگای فام
ساڵی چاپ: 2022
ژمارەی چاپ: یەکەم
ئەم پەڕتووکە، کۆکراوەی چەند چاوپێکەوتنێکی گرنگە لەگەڵ پڕۆفیسۆر نوام چۆمسکی.
گرنگ؛ چونکە لە چەند بابەتێکی هەستیار دەدوێت. لەوانەش فرۆشتن و ڕادەستکردنی جومگە سەرەکی و گرنگەکانی خزمەتگوزاری بە کەرتی تایبەت. بۆ نموونە، ئاو، کارەبا و تەندرووستی و...هتد، بۆ ئەمەش وتە بەناوبانگەکەی ڕۆناڵد ڕێگان دەهێنێتەوە کاتێک وتی: حکومەت کێشە گەورەکەیە! هەروەها هەریەک لە پرسەکانی بڵاوبوونەوەی ڤایرۆسی کۆڕۆنا، پۆست کۆڕۆنا، ژیان لە سایەی کۆمپانیا زەبەلاحەکان، گەرمبوونی زەوی و چەندان بابەتی تریش تاوتوێ کراون. لە کۆتایی پەڕتووکەکەشدا هەڵبژاردەیەک لە وتەکانی چۆمسکی-مان بۆ هێناونەتەوە و کردوومانە بە پاشکۆیەکی گرنگ.
لە هەر تەوەرەیەکی ئەم پەڕتووکە، خوێنەر بەردەوام چاوی دەکەوێتە سەر ڕووخسار و ناوەرۆکی ناشرین و قێزەونی نیۆلیبڕالیزم و چۆمکسی بەردەوام هەوڵی ڕوونکردنەوەی ئەم بابەتەی داوە. بۆ ئەمەش وەک عادەتی هەمیشەیی پەنای بردۆتە بەر هێنانەوەی چەندین بەڵگەی حاشاهەڵنەگر. [1]